Elbasynyŋ bastamasymen 2019 jyly "El Ümıtı"bastamasy jüzege asyrylǧany barşaǧa mälım. Osy bastama aiasynda aǧymdaǧy jyldyŋ qazan aiynan bastap bızdıŋ oblysta "Qabilet"qyzmetı ıske asyryluda. «Jetisý Media» alaŋynda ötken baspasöz-mäslihatynda Almaty oblysy bılım basqarmasy basşysynyŋ orynbasary Aijan Adambekova men Almaty oblysy "Jetısu daryny" ortalyǧynyŋ direktory Älışer Başarov osy jobanyŋ erekşelıkterı turaly aityp berdı.
Jobany "Elbasy akademiiasy" korporativtık qory Qazaqstan Respublikasy Bılım jäne ǧylym ministrlıgı men Almaty oblysy äkımdıgınıŋ qoldauymen jüzege asyratyny belgılı boldy.
"Būl jobanyŋ maqsaty-oquşylardyŋ qabıletterı men käsıbi baǧdaryn diagnostikalaudyŋ ūlttyq jüiesın qūru, sondai-aq daryndy balalar men jastardyŋ ziiatkerlık jäne jeke äleuetın ıske asyru üşın süiemeldeu jäne qoldau qyzmetın ūiymdastyru. Bırınşı kezeŋde jobaǧa 10-11 jas aralyǧyndaǧy oquşylar qatysa alady, olar 5 jäne 6-synyp oquşylary. Almaty oblysy boiynşa 5 synyptyŋ 45 937 oquşysy jäne 6 synyptyŋ 47 411 oquşysy bılım aluda. Kelesı kezeŋderde jasöspırım balalar qamtylady", - dedı Aijan Adambekova.
Oquşylardyŋ qabıletterın baǧalau boiynşa testıler damyǧan ziiatkerlık, kommunikativtık jäne şyǧarmaşylyq äleuetı, sondai-aq joǧary akademiialyq jetıstıkterı bar balalardy ärı qarai bılımdık süiemeldeu jäne käsıbi baǧdarlau maqsatynda anyqtauǧa arnalǧan.
Al diagnostika men qabıletterdı anyqtau "Jetısu daryny" oqu-ädıstemelık ortalyǧynyŋ bazasynda jäne Elbasy akademiiasynyŋ "Qabilet" onlain platformasynda jüzege asyrylady qabilet.elbasyacademy.kz.
Osy oqu jylynda saitta tek 10-11 jastaǧy balalar tırkelıp, test tapsyra alatynyna nazar audaramyz. Sondai-aq JSN bılu jäne özımen bırge qoldanystaǧy telefon nömırı boluy qajet, onda saitta tırkelgenın rastaityn SMS habarlama keledı. Saittyŋ tömengı būryşynda qiyndyqtar tuyndaǧan kezde habarlasuǧa bolatyn Call ortalyqtyŋ jäne chat-keŋesşınıŋ telefony körsetılgen.
Call ortalyqtyŋ nömırı 8 800 080 48 48. Call ortalyq saǧat 9.00-18.00 aralyǧynda Nūr-sūltan Q.uaqyty boiynşa jūmys ısteidı (kün saiyn), Call ortalyqqa qoŋyrau şalu tegın. "Qabilet" qyzmetı bızdıŋ aimaqtaǧy balalardyŋ qabıletterın jüielı türde anyqtauǧa, olardyŋ talanttaryn şyŋdauǧa jäne bolaşaq mamandyǧyn dūrys taŋdauǧa kömektesedı dep senemız. Bızdıŋ aimaqtyŋ barlyq bılım beru mekemelerınıŋ basşylary men ata– analaryna osy qyzyqty jobaǧa nazar audarudy, ol turaly öz oquşylary men balalaryna mındettı türde aityp berudı ūsynamyn,- dedı Älışer Başarov.
"Adyrna" ūlttyq portaly
