Aqtaýda «Aq Bıdaı» VII respýblıkalyq aýyl sporty oıyndary bastaldy

2000
Adyrna.kz Telegram

Óńir basshysy Nurlan Noǵaevtyń qatysýymen Kaspıı jaǵalaýynda VII respýblıkalyq aýyl sporty oıyndarynyń ashylý saltanaty ótti dep habarlaıdy "Adyrna" ulttyq portaly Mańǵystaý oblysy ákiminiń baspasóz qyzmetine silteme jasap.

QR Táýelsizdiginiń 30 jyldyǵyn merekeleý aıasynda uıymdastyrylyǵan saıysqa Qazaqstannyń 14 oblysynan sportshy qatysýda. Olar teńge ilý, jamby atý, aýdaryspaq, qusbegilik, voleıbol, shaǵyn fýtbol, qazaq kúresi, toǵyzqumalaq, asyq atý, kir tasyn kóterý, armrestlıng, ústel tennısi, jazǵy prezıdenttik kópsaıys jáne kıkboksıng sııaqty ulttyq oıyndardyń 14 túrinen synǵa túsedi.

Atalǵan is-sharanyń basty maqsaty — halyq arasynda buqaralyq sportty damytý. Aýyl sportynyń oıyndary 20 qazanǵa deıin jalǵasady.

— Elbasy Nursultan Nazarbaev turǵyndar arasynda buqaralyq sportty damytý Qazaqstan halqynyń densaýlyǵyn jaqsartyp, rýhanı kúsh beretinin jáne el damýynyń baǵdarlamalyq qujattarynda kórsetilgen mejelerge jetýge kómektesetinin birneshe ret atap ótti. Qazaqstan halqyna Joldaýynda Prezıdent Qasym-Jomart Toqaev ta buqaralyq sportty damytýǵa qatysty birqatar naqty tapsyrmalar berdi. Bizdiń mindetimiz - turǵyndar úshin qolaıly jaǵdaı jasap, qoljetimdi sport ortasyn qurý úshin barynsha kúsh salý, - dedi Nurlan Noǵaev.

Búginde oblys boıynsha 804 sport nysany jumys isteıdi. Onyń 366 dene shynyqtyrý-saýyqtyrý baǵytyndaǵy ortalyqtar, 397-i bilim berý uıymdarynda bolsa, 41 sport zaldar sport mektepterinde ornalasqan.

Mańǵystaý oblysynyń 2020-2025 jyldary aýmaqty damytý baǵdarlamasyna sáıkes sporttyq-saýyqtyrý keshenderinde 100 sport alańy men 10 sport zalyn salý josparlanǵan. Jyl sońyna deıin oblysta 4 sport kesheni el ıgiligine beriledi. Sonyń 4-i bıyl jyl sońyna deıin paıdalanýǵa berý josparlanýda.

Atap aıtqanda, Jańaózen qalasynda demeýshiler esebinen aýa tireýish qurylǵy bazasynda kópsalaly sport kesheniniń jáne eki sport angarynyń qurylysy júrgizilýde. Túpqaraǵan aýdany Aqshuqyr aýylyndaǵy "Aýyl el-besigi" baǵdarlamasy aıasynda 160 oryndyq sport kesheniniń qurylysyn aǵymdaǵy jyldyń qarasha aıynda aıaqtaý josparlanyp otyr.

 

"Adyrna" ulttyq portaly.

Pikirler