Oblys ákiminiń ataýly stıpendııasy tabystaldy

424

Aqtóbe oblysynyń ákimi Ońdasyn Orazalınniń tóraǵalyǵymen ótken jıynda oblys ákiminiń ataýly stıpendııasy tabystaldy dep habarlaıdy "Adyrna" ulttyq portaly.

Sharaǵa oblys ákiminiń orynbasary Bulbul Eleýsinova, basqarma basshylary, joǵary jáne arnaýly oqý oqý oryndarynyń rektorlary, stıpendııa ıegerleri qatysty.

Kezdesý barysynda O.Orazalın elimizde qazirgi tańda jastarǵa jasalyp jatqan jan-jaqty qoldaýlarǵa toqtalyp, oqý oryndarynyń 10 ókiline ataýly stıpendııasyn tabys etti.

"Memleket basshysy atap ótkendeı, jas urpaqty qoldaý óte mańyzdy. Óıtkeni, memlekettiń damýy men bolashaǵy tikeleı osyǵan baılanysty. Búgin óńirimizdegi joǵary jáne arnaýly orta oqý oryndarynyń úzdik jáne belsendi stýdentterimen kezdesip, ataýly stıpendııany tabystadym. Jalpy ataýly stıpendııa yntalandyrý maqsatynda sońǵy úsh jyldan beri oqý úlgerimi joǵary jáne oblystyń qoǵamdyq jumystaryna etene aralasyp júrgen 2-3 kýrs stýdentterine taǵaıyndalyp keledi. Jaýapty sala basshylaryna bul ıgi isti júıeli túrde júrgizip otyrýdy tapsyrdym", - dep atap ótti oblys ákimi.

Atap óteıik, oblys ákiminiń stıpendııasy 2017 jyldan beri berilip kele jatyr. Osy jyldar aralyǵynda joǵary oqý oryndarynyń 1074, kásiptik-tehnıkalyq bilim berý uıymdarynyń 300 stýdentine ataýly stıpendııa taǵaıyndaldy. Bıylǵy jyly stıpendııa oqý úlgeriminde oń kórsetkishi bar, qoǵamdyq ómirge belsene qatysatyn talantty jáne daryndy, sonyń ishinde áleýmettik osal toptaǵy 175 adamǵa taǵaıyndaldy. Joǵary oqý oryndarynyń 145 stýdentine 160,0 myń teńge kóleminde jáne kásibı-tehnıkalyq bilim berý mekemeleriniń 30 stýdentine 80,0 myń teńge kóleminde beriledi.

Shara sońynda belsendi jastar ózderine qoldaý kórsetip kele jatqan aımaq basshysyna óz alǵystaryn bildirip, oblys ákimimen birge estelik sýretke tústi.

 

"Adyrna" ulttyq portaly.

Pikirler
Redakııa tańdaýy