Qorǧanys ministrlıgı qazır Jambyl oblysynyŋ Baizaq audanynda josparly türde baqylanatyn jarylystar bolyp jatqanyn habarlady. Oq-därılerdı tauǧa jetkızıp, onda baqylanatyn jarylystar jürgızıledı.
Bügın 11.00, 12.00 jäne 16.00-de jarylystar ūiymdastyrylady. Jospar boiynşa 12 qazan men 13 qaraşa aralyǧynda jūmys künderı saǧat 9.00-den 18.00-ge deiın äskeriler jarylǧyş zattardy joiudy ıske asyrady.
Qorǧanys ministrlıgı atalmyş mäsele boiynşa resmi habarlama jasady. "Oq-därıler fragmentterın jaru boiynşa jūmystar bastaldy. Būdan būryn habarlanǧandai, Qazaqstan Respublikasy Qorǧanys ministrlıgı injenerlık-saperlık bölımşelerınıŋ küşımen Jambyl oblysynyŋ Baizaq audanynda oq-därıler fragmentterın baqylap jaru bastaldy. Jūmys kün saiyn düisenbıden bastap jūma aralyǧynda aǧymdaǧy jylǧy 13 qaraşaǧa deiın jürgızıledı. Būl üşın adamdar joq tauly jerde äskeri bölım men eldı mekenderden alysta äskeri bölımnen 12 şaqyrymnan astam qaşyqtyqta uchaske belgılendı. Mamandar toby jergılıktı halyq pen injenerlık-saperlık bölımşeler jeke qūramynyŋ qauıpsızdıgın qamtamasyz etu üşın taŋdalǧan jer uchaskesın tolyǧymen zerdeledı. Jergılıktı atqaruşy organdary men jergılıktı halyqqa jaru jūmystarynyŋ jürgızıluı turaly aldan ala habarlandy. Jambyl oblysy Işkı ıster departamentınıŋ qyzmetkerlerın tarta otyryp, äskeri polisiia küşımen jaru ornynyŋ ainalasyndaǧy aumaq qorşaldy. Jaru kezınde dybystyq äser bolady. Jürgızıletın jūmystyŋ jergılıktı halyq üşın qaupı joq" dedı ministrlık.
"Adyrna" ūlttyq portaly
