QR Premer-Ministrı Asqar Mamin «Şevron» (Chevron) kompaniiasynyŋ öndıru mäselelerı jönındegı vise-prezidentı Djeims Djonsonmen kelıssöz jürgızdı. Taraptar «Teŋızşevroil» (TŞO) bolaşaq keŋeitu jobasyn ıske asyru, Qaraşyǧanaq jobasyn keŋeitu jäne Kaspii qūbyr konsorsiumynyŋ quatyn arttyru perspektivasy mäselelerın talqylady.
Zamanaui ekologiialyq taza tehnologiialardy qoldanu, äleumettık jobalardy ıske asyru, densaulyq saqtau jäne eŋbek qauıpsızdıgı salasynda joǧary standarttardyŋ saqtaluyn qamtamasyz etu mäselelerı qaraldy.
«Şevron» üş ırı jobada – Teŋız (50%), Qaraşyǧanaq (18%) jäne Kaspii qūbyr konsorsiumy (15%) jobalarynda aktivterı bar Qazaqstandaǧy asa ırı şeteldık investor.
2020 jyly TŞO-da şikı mūnai öndıru kölemı 26,5 mln tonnany qūrady. Memleketke $6,6 mlrd kölemınde tıkelei qarjylyq tölemder jüzege asyryldy, $3,5 mlrd astam somaǧa qazaqstandyq jetkızuşılerdıŋ tauarlary men qyzmetterı satyp alyndy.
Biyl TŞO-da 26,3 mln tonna kölemınde mūnai öndıru josparlanuda. 2021 jyldyŋ 8 aiynda memleketke tölemder $4,9 mlrd qūrady. Bolaşaq keŋeitu jobasynyŋ aiaqtaluy 2023 jyldyŋ soŋynda öndıru kölemın jylyna 12 mln tonnaǧa arttyruǧa mümkındık beredı.
TŞO gazy Atyrau oblysynda polipropilen (quaty jylyna 500 myŋ tonna) jäne polietilen (jylyna 1,25 mln tonna) öndıretın ekı ırı gaz-himiia jobasy üşın şikızat bolyp otyr.
Kelıssöz qorytyndysy boiynşa QR Energetika ministrlıgı men «Şevron» kompaniiasy arasynda Qazaqstanda $248,5 mln kölemınde Tıkelei investisiialar qoryn qūru boiynşa özara tüsınıstık turaly memorandumǧa qol qoiyldy.
Memorandum Qazaqstannyŋ mūnai-gaz salasyndaǧy, qorşaǧan ortany qorǧau, sondai-aq aqparattyq jäne sifrlyq tehnologiialar salasyndaǧy tauar öndıru, jūmystardy oryndau jäne qyzmetterdı ūsynu jönındegı kommersiialyq käsıporyndarǧa investisiia salu jolymen ekonomikany jäne jergılıktı qamtudy damytu üşın qor qūrudy közdeidı.
Qor kapitalyn «Şevron»-nyŋ Qazaqstanda alǧan paidasynyŋ bır bölıgıne teŋ. Kezdesuge energetika ministrı Maǧzūm Myrzaǧaliev jäne «QazMūnaiGaz» ŪK» AQ basqarma töraǧasy Alik Aidarbaev qatysty.
"Adyrna" ūlttyq portaly
