Nūr-Sūltan qalasynyŋ äkımı Altai Kölgınov "Astana LRT" jobasy jaqyn arada aiaqtalatynyna jäne elordada jeŋıl relstı transportty qoldanatyn kün jaqyn ekenıne senımdı. Būl turaly ol qalalyq mäslihat deputattaryna mälımdedı, dep habarlaidy "Adyrna" ūlttyq portaly.
"Basty sūraqtardyŋ bırı – qarjylandyru mäselesı. "Astana LRT" jobasy ülken investisiialardy qajet etedı. Ärine, ornatylǧan beton tıreuışter qalaǧa är bermeitını tüsınıktı", - dedı Altai Kölgınov ūzaq uaqytqa sozylǧan qūrylys jaily.Elorda äkımı sonymen qatar būl mäsele jaiynda banktermen bırneşe jyldar boiy talqylanǧanyn aitty.
"Bız banktermen būl mäsele jönınde bırneşe jyldar boiynda söilestık. Ärbır ekınşı deŋgeidegı banktıŋ būl ıspen ainalysuǧa qūlqy joq jäne mümkındıgı de jetıspeidı. Osy sebeptı bız säikesınşe konkurs jariialadyq. Qazır bankterdıŋ bırı öz kelısımın berdı, aldaǧy uaqytta tiıstı kelısımge qol qoiylǧannan keiın habarlaityn bolamyz", - dedı Altai Kölgınov.Däl qandai banktıŋ qarjylandyruǧa kelısım berılgenı jönınde äzırge naqty aqparat joq. Nūr-Sūltandaǧy jerüstı metro qūrylysyn aiaqtau üşın 1,5 milliard dollar qajet ekenın aita keteiık. A. Kölgınovtıŋ aituynşa, äkımdık "Astana LRT" jobasy boiynşa jūmysty tabysty aiaqtaudy josparlap otyr.
Qazırgı taŋnyŋ özınde äuejai maŋyndaǧy bır şaqyrymnan asatyn jerge aǧaş böreneler ornatylǧan.Esterıŋızge sala keteiık, būǧan deiın appeliasiialyq sot "Astana LRT" qūrylysyndaǧy aqşa jymqyru ısı boiynşa ükımnıŋ küşın joiǧan bolatyn.
"Adyrna" ūlttyq portaly.
