Elbasynyŋ «Ruhani jaŋǧyru» baǧdarlamasy aiasynda «Jomart jürek» jobasy qolǧa alynǧan bolatyn. Atalǧan joba Şymkentte jalǧasyn tauyp, tuǧan ölkenı damytuǧa üles qosqan azamattar anyqtaldy. Bügın Abai audanynda osyndai janaşyr jandardy saltanatty marapattau räsımı öttı. Şaraǧa audan äkımı Būharbai Parmanov qatysyp, jeŋımpazdarǧa alǧysyn bıldırdı.
Atalǧan şara aldymen Prezidentımız Qasym-Jomart Toqaevtyŋ Joldauyn tyŋdaudan bastaldy. Odan keiın elge eŋbegı sıŋgen azamattardy marapattaumen jalǧasty. Osy oraida ärqaşanda halyqtyŋ mūŋ-mūqtajyn bilıkke jetkızıp jürgen halyq qalaulysy Quanyş Dauletaliev te būl nominasiiadan kende qalmady. Az qamtylǧan köpbalaly otbasylarǧa jetım balalar men mügedekterge, Ūly Otan soǧysynyŋ ardagerlerıne, kömek körsetkenı üşın «Tuǧan ölke» nominasiiasy boiynşa marapattaldy.
Quanyş Dauletaliev – Şymkent qalalyq mäslihatynyŋ deputaty
Şarada öŋırde azamattyq ūstanymy men ärtürlı baǧyttaǧy auqymdy qaiyrymdylyq qyzmetı üşın «Jyl mesenaty», «Jyl tūlǧasy», «Tuǧan ölke», «Jyldyŋ üzdık qamqorşysy» jäne «Jyldyŋ üzdık ūiymy» nominasiia jeŋımpazdary anyqtaldy. Audan äkımınıŋ orynbasary būl ıs-şara aldaǧy uaqytta da jalǧasatynyn jetkızdı.
Nūrlan Tıleş – Abai audany äkımınıŋ orynbasary
İä, jomarttyqtyŋ negızgı özegı – qaiyrymdylyq. Joqtyqtyŋ tauqımetın tartyp, bardyŋ bailyǧyna mūqtaj jandar bar qoǧamda. Mūndaida dana qazaq «keŋ adamnyŋ künıne bır üiı keŋidı, tar adamnyŋ künıne bır üiı kemidı» dep bırauyz sözben keŋ peiıldı adamnyŋ kemımeitının önege etken. Būl baǧytta jüzege asyp jatqan «Jomart jürek» jobasynyŋ bererı mol.
Aidana Quanyşqyzy
