Şymkent äkımı «Säule» şaǧynaudany 276 oramnyŋ infraqūrylym jaǧdaiymen tanysty

Şymkent qalasynyŋ äkımı Mūrat Äitenov «Säule» şaǧynaudany 276 oramda jaryq jäne su jüielerınıŋ jaǧdaiymen tanysty.   Säule şaǧynaudany 276 oramǧa jeke tūrǧyn üi salu üşın 600 jer telımı berılgen. Bügıngı taŋda 350 tūrǧyn üi qūrylysy jürgızılgen. Halyq sany – 526 adam. Atalǧan aumaqty sapaly auyz sumen  qamtamasyz etu üşın demeuşıler tarapynan 2020 jyly 350 metrge juyq su qūbyrynyŋ qazba jūmystary jürgızılıp, sapaly auyz su jüiesı tūrǧyndar igılıgıne paidalanuǧa berıldı. 2020 jyly 276 oramdy elektr jüiesımen qamtamasyz etu maqsatynda demeuşıler tarapynan 25 baǧana, 2 şaqyrym sym jäne quattylyǧy 160 kVt köteretın transformator ornatylyp, 150-ge juyq jeke tūrǧyn üiler elektr quatymen qamtamasyz etıldı. Sonymen qatar, 276 oramdy tolyqtai auyz sumen qamtu üşın memlekettık satyp alu konkursy ötkızılıp, jeŋımpaz merdıger mekeme «Agat» JŞS-men 532,5 mln. teŋgege kelısımşart tüzılgen. Qūrylys jūmystary 2021 jyldyŋ mausym aiynda bastalyp, qaraşa aiyna deiın aiaqtau josparlanǧan. Elektr jaryǧymen tolyq qamtamasyz etu maqsatynda memlekettık satyp alu konkursy ötkızılıp, qazırgı taŋda jeŋımpaz merdıger mekeme «Aqsemser-stroiservis» JŞS-men 982,4 mln teŋgege kelısımşart tüzıldı. Atalǧan jūmystar 2022 jyldyŋ I toqsanynda aiaqtalady.. Säule şaǧynaudany 276 oramdy tabiǧi gazben qamtamasyz etu üşın Şymkent qalasynyŋ energetika jäne infraqūrylymdy damytu basqarmasy tarapynan JSQ daiyndalyp, qarjy bölu üşın biudjettık ötınım engızılgen. 276 oram 2022 jyly tolyq tabiǧi gazben qamtylatyn bolady. Sonymen qatar, topyraq joldardyŋ sanyn azaitu maqsatynda             2020 jyly 4,9 şaqyrym jolǧa (4 köşe) şaǧal tas töseldı. Atalǧan köşelerge 2022 jyly asfalt töseu jūmystary jürgızıledı. Qala äkımı 276 oram tūrǧyndarymen kezdesude jasalyp jatqan jūmystardyŋ sapasyn tekseru men qadaǧalau barysynda belsendılık tanytularyn ötındı.