Shymkent qalalyq opera jáne balet teatrynyń ujymy Nur-sultannan gastroldik sapardan oraldy. Áriptesteri shyǵarmashyl topty erekshe sán-saltanatpen qarsy aldy.
Ónerpazdar bas qalada «Domalaq ana» operasyn anshlagpen qoıyp qaıtty. Aıta keteıik, týyndyda qazaq tarıhyndaǵy aty ańyzǵa aınalǵan abyz ananyń ózine tán qasıetti beınesi kórinis tapqan. Jas qyz Nýrılanyń ana atanyp, ósıet pen rýhanı qundylyqtarǵa jáne analyq meıirge toly ǵumyry arqyly ana mahabbaty sýrettelgen. Teatr jetekshileriniń aıtýynsha, elordalyq kórermenniń yqylasy da erekshe bolǵan. Qoıylymnyń áserli bolǵany sonshalyq, shymkenttik ujymdy elimizdiń ózge de aımaqtarynan kelgen áriptesteri qonaqqa shaqyrypty. Al qyrkúıek aıynyń ortasynda úshinshi megapolıste teatrdyń maýsymashar saltanaty ótedi, dep josparlanyp otyr
Maıra Muhamedqyzy, Shymkent opera jáne balet teatrynyń dırektory: «Astana opera teatryndaǵy qoıylymymyz keremet ótti. Elordalyqtar qonaqjaılylyq tanytty. Qala turǵyndary men qonaqtary, Úkimet músheleri men basqa da laýazymdy tulǵalar operany tamashalap, jaqsy baǵalady. Al Astana teatrynyń ujymy bizge asqan qoshemet kórsetip, "Domalaq ana" operasyn sahnalaýǵa, daıyndyqqa kómektesti. Bizdiń teatr mundaı joǵary dárejeli gastrolge alǵash ret shyǵyp otyr, jaýapkershiligi joǵary mıssııany oıdaǵydaı oryndadyq degen senimdemiz»
M.Rysbaeva
