Qala äkımı prezident joldauyn jüzege asyru boiynşa Eŋbekşı audanynyŋ aktivımen kezdestı

Şymkent qalasynyŋ «Sairam» şaǧynaudany № 65 jalpy orta mektepte QR Prezidentınıŋ halyqqa Joldauyn nasihattau boiynşa Eŋbekşı audanynyŋ aktiv mäjılısı öttı. Jiynǧa qala äkımı Mūrat Äitenov qatysyp, «Halyq bırlıgı jäne jüielı reformalar – el örkendeuınıŋ berık negızı» atty strategiialyq qūjattaǧy basym baǧyttarǧa toqtalyp öttı. Aktiv jiynyna Prezident Äkımşılıgınıŋ memlekettık inspektory Marat Jündıbaev ta arnaiy qatysty. Alqaly jiynda bırqatar baiandamaşylar jaryssözge şyǧyp, Joldau aiasynda berılgen tapsyrmalar men atqarylatyn jūmystar jönınde öz oilaryn ortaǧa saldy. Aldymen M.Äuezov atyndaǧy Oŋtüstık Qazaqstan Universitetınıŋ prorektory, dosent Säken Mäjınbekov Joldaudyŋ negızgı baǧyttary boiynşa baiandama jasady. – Pandemiia jaǧdaiyndaǧy memlekettıŋ damuynyŋ jaŋa baǧyttaryn aiqyndaityn ūlttyq jobalar qūndy bolyp tabylady. Joldaudaǧy basty nazar eldıŋ ekonomikalyq jaǧdaiyn arttyruǧa baǧyttalǧan. Memleket basşysy «Pandemiiadan keiıngı kezeŋdegı ekonomikalyq damu», «Öŋırlık saiasatty jetıldıru»,  «Eŋbek naryǧynda tiımdı ekojüie qalyptastyru» baǧyttarynda  maŋyzdy şaralar ūsynyp otyr, – dedı Säken Aralbaiūly. Sonymen qatar, Oŋtüstık Qazaqstan memlekettık pedagogikalyq universitetınıŋ prorektory Barşagül İsabek biylǧy Joldau qoǧam müşelerınıŋ, onyŋ ışınde bılım arqyly örkenietke ūmtylǧan myŋdaǧan jastardyŋ keleşekke degen senımın küşeite tüskenın atap öttı. Qala äkımı Joldau aiasynda şaharda jüzege asatyn naqty şaralardan habardar ettı. – Prezident Joldauda 70-ke juyq tapsyrma berdı.  Qūjatta körınıs tapqan 7 baǧytty qala kölemınde jüzege asyru boiynşa naqty şaralar qabyldanady. «Biznestıŋ jol kartasy» jäne «Qarapaiym zattar ekonomikasy» baǧdarlamalarynyŋ merzımı bır jylǧa ūzartyldy. Būl baǧytta şaharda jüielı jūmystar qolǧa alynǧan. Şikızattyq emes sektorda 62 joba ırıktelıp, eksporttyq äleuet 608 mlrd teŋgege jetedı. Şeteldık investorlardyŋ qatysuymen kemınde 15 joba ıske asady, 2 myŋ adam jūmyspen qamtylady. Auylşaruaşylyq önımderın tereŋ öŋdeude «Bozaryq» tamaq önerkäsıbı industrialdy aimaǧy qūryluda. Eksporttyq äleuettı arttyruda köptep investisiia tartu kerek. Būl rette industriialyq aimaqtardyŋ maŋyzy zor. Memleket basşysy infaqūrylym mäselesın şeşudı tapsyrdy. Bızdıŋ būl baǧytta 5 jylǧa naqty josparymyz bar. Bırınşı qajettı azyq-tülık tauarlarynyŋ baǧasyn tūraqtandyruǧa jergılıktı biudjetten qomaqty qarjy bölınedı. Bügınde 3 äleumettık düken jūmys ısteidı. Jyl soŋyna deiın taǧy da äleumettık dükender aşudy josparlap otyrmyz, – dedı qala äkımı. Sondai-aq, şahar basşysy sauda-logistika aimaǧynda qosymşa qoimalar qūrylysy josparlanyp jatqanyn mälımdedı. Jiyndy qorytyndylaǧan qala äkımı Joldauda berılgen tapsyrmalardy bırlese oryndauǧa şaqyrdy.