Qalamyzdaǧy jalpy avtomobil joldarynyŋ ūzyndyǧy 3247 şaqyrymdy qūraidy. Onyŋ 632 şaqyrymy Eŋbekşı audanyna qarasty. Qazırgı uaqytta audandaǧy 393,4 şaqyrymǧa asfalt jol, 208,1 şaǧal tas bolsa, al 30,5 şaqyrym topyraq jol bolyp tabylady.
Biyl mūnda 62,4 şaqyrym asfalt jolǧa jöndeu jürgızılıp, 13 şaqyrym jolǧa şaǧal tas töseu josparlanǧan.
Qala äkımınıŋ Eŋbekşı audanyna barǧan sapary kezınde jol boiynşa atqarylǧan jūmystardy qalalyq jolauşylar kölıgı jäne avtomobil joldary basqarmasynyŋ basşysy E.Joldasov baiandady.
Kürdelı jöndeu jūmystaryna säikes, «Korporasiia Bereke—A» qūrylys kompaniiasynyŋ merdıgerlıgımen 17 köşege, iaǧni 6 şaqyrym jol jöndelıp, tolyǧymen paidalanuǧa berılgen.
Ortaşa jöndeu jūmystary boiynşa jalpy sany 40 şalǧai jäne ışkı oram köşelerı, iaǧni 50,2 şq jol jöndeuden ötude. Onyŋ ışınde 28 köşe (70%) tolyǧymen aiaqtalǧan, 9 sotpen toqtatylǧan, al 3 jūmys barysynda. Būl jūmystar jyl soŋyna deiın aiaqtalmaq.
Audannyŋ magistraldy köşelerı - J.Şaiahmetov, Aqnazar han jäne K.Setkin köşelerınde 46% jūmys aiaqtalyp, qazırgı uaqytta sotpen toqtatylǧan.
Al, qiyrşyq tas töseu jūmystaryn merdıger mekeme «Primer-Stroi» JŞS jürgızdı. Audanǧa qarasty Elaman, Jūldyz, Oŋtüstık jäne Badam şaǧyn audandaryndaǧy 13 şaqyrymdy qūraityn 21 köşege şaǧal tas töseldı.
2022 jylǧy jospar Eŋbekşı audanyndaǧy ūzyndyǧy 111,4 şaqyrym bolatyn 44 köşege asfalt salu josparlanyp otyr.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz