Eŋbekşı audanynda «Halyq qatysatyn biudjet» jobasynyŋ aiasynda 56 köpqabatty üidıŋ aulalary jaŋartylady. Atalǧan jūmystarǧa biudjetten 890 mln. teŋge bölınıp otyr. Būl turaly audan äkımı D.Esılbek audanda atqarylǧan jūmystar barysyn qala äkımı Mūrat Äitenovke tanystyru barysynda aitty.
Onyŋ aituynşa, qazırgı taŋda 24 köpqabatty üidıŋ aulalarynda abattandyru jūmystary jürgızılude eken. Qalǧan 32 köpqabatty üi boiynşa memlekettık satyp alu ıs-şarasy ötkızılude.
Eŋbekşı audany boiynşa 630 köpqabatty tūrǧyn üiler 435 aulaǧa bırıktırılgen. Audanda 2011-2020 jyldar aralyǧynda kezeŋ-kezeŋmen 565 üidıŋ 373 aulasy abattandyrylǧan.
Aulalary būryn abattandyrylǧan üilerdıŋ basym bölıgındegı oiyn elementterınıŋ tozyǧy jetken, jaŋalaudy qajet etedı. Audanda aǧymdaǧy jyldan bastap aulalardy qaita abattandyru, balalar oiyn alaŋşalaryn jaŋalau jūmystary Qazaqstan Respublikasynyŋ Prezidentı Qasym-Jomart Toqaevtyŋ «Halyq ünıne qūlaq asatyn memleket» tūjyrymdasynyŋ negızınde «Halyq qatysatyn biudjet» jobasy aiasynda ıske asyryluda.
2022 jyly abattandyru jūmystary osy joba şeŋberınde jürgızıletın bolady. Aita keteiık, osy jyldyŋ qyrküiek aiynan bastap tūrǧyndardan jobalyq ūsynystar audan äkımı apparatynyŋ resmi saity arqyly qabyldau bastaldy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz