Qazaqstan Respublikasy Ükımetınıŋ Qaulysymen Erjan Mälıkūly Erkınbaev QR mädeniet jäne sport vise-ministrı qyzmetıne taǧaiyndaldy. Būl turaly QR Premer-Ministrınıŋ Baspasöz qyzmetı habarlady.
Erjan Erkınbaev 1982 jyly Jambyl oblysynyŋ Şu qalasynda düniege kelgen. Qazaq memlekettık zaŋ akademiiasyn, RF Prezidentı janyndaǧy Resei halyq şaruaşylyǧy jäne memlekettık qyzmet akademiiasyn jäne Halyqaralyq biznes akademiiasyn tämamdaǧan. Eŋbek jolyn 2002 jyly jeke kompaniiada zaŋger bolyp bastaǧan. Türlı jyldary jeke kompaniialarda jobalar jetekşısı, zaŋger bolyp jūmys ıstegen. 2009-2013 jj. — «Şymbūlaq» tau şaŋǧysy kurortynyŋ bas direktory. 2013-2016 jj. — «Medeu» sport keşenınıŋ bas direktory. 2016-2019 jj. — Almaty memlekettık zoologiialyq parkınıŋ direktory. 2019 jylǧy qaraşadan bastap qazırgı uaqytqa deiın «Kazakh Tourism» Ūlttyq kompaniiasy» AQ basqarma töraǧasy boldy.
«Adyrna» ūlttyq portaly
