Şymkent qalasynyŋ äkımı Mūrat Äitenovtıŋ tıkelei aralasuymen Tūrandaǧy talaidan berı jyr bolǧan auyz sudyŋ mäselesı oŋ şeşıldı. Tūrǧyndar ai soŋynda sapaly suǧa qoljetkızedı dep kütılude. Qazırgı taŋda, qūbyrlardy juyp-şaiu jūmystary jürgızılude eken.
Tırşılık närınen taryqqan tūrandyqtar osy uaqytqa deiın sudy satyp ışıp kelgen. Qainatyp ışpese, ıştı auyrtatyn böşkedegı su äsırese, jazdyŋ künı aptaǧa jetpei iıstenıp, qinalatyn edık, deidı tūrǧyndar.
Eraly Erımbetov – «Tūran» şaǧynaudanynyŋ tūrǧyny
Şaǧynaudanǧa auyz su jüiesın tartu jūmystary osydan 4 jyl būryn bastalǧan. Byltyrdan berı qarqyn alǧan qūrylys, biyl aiaqtalyp otyr. Qazırgı taŋda qūbyrlardy juyp-şaiu jūmystaryn jürgızıp jatqan merdıger mekeme «Üşsai» JŞS-gı būiyrtsa, qyrküiekten qaldyrmai taza auyz su taratamyz, dep otyr. 62 şaqyrymnan astam aumaqqa tartylǧan su qūbyryna 1100 juyq üi qosylǧan.
Nūrlan Sūltanov - «Üşsai» JŞS-nıŋ bas injenerı
Memleket basşysy künı keşegı Joldauynda öŋırlerdı damytudyŋ ūlttyq jobasy aiasynda bes jyl ışınde halyqty 100 paiyz taza auyzsumen qamtamasyz etudı tapsyrdy. Şymkent qalasynda osy baǧytta auqymdy jūmystar atqaryluda. Biyl qaladaǧy eldı mekenderdı auyz sumen qamtamasyz etu maqsatynda 14 nysannyŋ qūrylys jūmystary jürgızılude. Aita keteiık, osy jyly megapoliste 3 magistraldy suaqqy, tasymaldy 7 eldı meken jäne auyzsudy kestemen paidalanyp otyrǧan ekı eldı mekennıŋ qūrylysy aiaqtalyp, 25,6 myŋ adam auyz sumen qamtylady dep josparlanuda. Nätijesınde, qamtylu körsetkışı 95,6%-dan 98 paiyzǧa öspek.
G.Asqarqyzy
