Prezident Joldauyn nasihattau boiynşa Qaratau audanynda aktiv jiyn öttı

Şymkent qalasynyŋ «Asar» şaǧynaudanyndaǧy № 90 mektepte QR Prezidentınıŋ Qazaqstan halqyna arnaǧan Joldauyn nasihattau boiynşa Qaratau audanynyŋ aktiv mäjılısı öttı. Qala äkımı Mūrat Äitenov osy maqsatta būǧan deiın qala aktivımen, 3 audannyŋ tūrǧyndarymen kezdesken bolatyn. Mūrat Düisenbekūly Qaratau audany tūrǧyndaryna da Joldaudyŋ basym baǧyttaryn tüsındırıp, aldaǧy josparlardan habardar ettı.   Jiynǧa ziialy qauym ökılderı men ardagerler, mäslihat deputattary, azamattyq qoǧam ökılderı, qūqyq qorǧau organy qyzmetkerlerı qatysty. Jiynda aldymen M.Äuezov atyndaǧy Oŋtüstık Qazaqstan Universitetınıŋ prorektory, dosent Säken Mäjınbekov baiandama jasady.  Säken Aralbaiūly elımız saiasi jäne äleumettık-ekonomikany  qalpyna keltırıp, ūlttyq maŋyzdy äleumettık-ekonomikalyq jobalardy ıske asyryp jatqanyna toqtalyp öttı. Qala äkımı M. Äitenov mäjılıste Joldau aiasynda şaharda jüzege asatyn jūmys josparlaryn baiandady. – Memleket basşysy Joldauda 70-ke juyq tapsyrma berdı. Joldauda aitylǧan 7 baǧytty qala kölemınde jüzege asyru boiynşa naqty şaralar qabyldanady. Ekonomikany ärtaraptandyru mındettelıp otyr. Qala ekonomikasyn damytu maqsatynda käsıpkerlıktı qoldauǧa 7 mlrd teŋge baǧyttalyp, 2250 biznes ökılıne qoldau körsetıletın bolady. «Biznestıŋ jol kartasy» jäne «Qarapaiym zattar ekonomikasy» baǧdarlamalary aiasynda bügınge deiın 57,4 mlrd teŋgege 1 788 joba qarjylandyrylyp, 7,2 myŋ jūmys orny aşyldy. Iаǧni, qalada  aşylǧan ärbır üşınşı joba atalǧan baǧdarlama aiasynda ıske asty. «Qarapaiym zattar ekonomikasy boiynşa biylǧa josparlanǧan 80 jobanyŋ 61 jobasy qarjylandyryldy. Qalanyŋ eksporttyq äleuetın arttyru maqsatynda «Jūldyz» industrialdyq aimaǧynda 60 ırı joba, «Standart» jeke industrialdyq aimaqta 30 joba ıske asyru közdelude. Halyqty azyq-tülık önımımen tolyq qamtamasyz etu maqsatynda qalada 2 agroindustrialdy aimaqtyŋ qūrylysy bastaldy. Auylşaruaşylyq önımderın tereŋ öŋdeude «Bozaryq» tamaq önerkäsıbı industrialdy aimaǧy qūrylyp, qūny 23 mlrd teŋgenı qūraityn 21 joba ıske asady, – dedı qala äkımı. Prezident Joldauy – strategiialyq qūjat. Qala äkımı Joldaudy ıske asyruǧa barlyq memlekettık organdar, qoǧamdyq ūiymdar jūmylatynyn mälımdedı. Joldauda qamtylǧan basymdyqtardy halyqqa jetkızude arnaiy toptar qūryluda. Olardyŋ qūramyna audan äkımderı, mäslihat deputattary, ziialy qauym ökılderı jäne basqa da belsındı azamattar engızılıp otyr.