Bügın Şymkent qalasynyŋ äkımı Mūrat Äitenov Memleket basşysy mındettegen tapsyrmalardyŋ Qaratau audanynda jüzege asyryluyn baqylau üşın audandaǧy injenerlık infraqūrylym jūmystarymen tanysty.
Audan aumaǧynda ornalasqan 24 eldı mekende 247 myŋnan astam halyq tūratynyn aitqan audan äkımı A.Älıqūlov bügınde 18 eldı meken sapaly auyz sumen qamtylǧanyn, ekı eldımeken kestemen, qalǧan törteuı tasymaldy su paidalanatynyn jetkızdı.
Halyq tūtynatyn sudyŋ sapasyn arttyru maqsatynda biyl Qaratau audany boiynşa 3 magistraldy suaqqynyŋ qūrylysy jäne 3 şaǧyn audanda auyz su jüiesı tartylyp jatyr.
Qaratau audanynda auyz su infraqūrylymy boiynşa atqaralyp jatqan jūmystar jaiyn Şymkent qalasynyŋ energetika jäne infraqūrylymdy damytu basqarmasynyŋ basşysy B.Bolatbekov baiandady.
Onyŋ aituynşa, 3 magistraldy suaqqynyŋ qūrylysy kestege sai jürgızılude eken. Sonymen bırge jalpy ūzyndyǧy 59,8 şaqyrymdy qūraityn Tūran şaǧyn audanyndaǧy auyz su qūbyrynyŋ qūrylysy 100 paiyz aiaqtalyp, bügınde qūbyrlardy juyp-şaiu jūmystary atqaryluda.
Al, Asar-2 şaǧyn audanyn auyz sumen qamtamasyz etu boiynşa 156,1 şaqyrymdy qūraityn ışkı oramdyq jüielerınıŋ qūrylys jūmystary jürgızılude. Jyl soŋyna deiın paidalanuǧa berıletın bolady. Nūrtas şaǧyn audanyndaǧy ūzyndyǧy 40,8 şaqyrymdy qūraityn auyz su qūbyrynyŋ bügınde 18,36 şaqyrymy ornatylǧan.
Atalǧan jūmystar aiaqtaluyna orai, audanda 7 myŋǧa juyq tūrǧyn sapaly auyz sumen qamtylyp, körsetkış 83,5 paiyzdy qūraityn bolady.
Aita keteiık, audan aumaǧynda auyz sumen qamtudy qajet etetın 6 eldı meken bar. Olar Asar-2 ş/a (2 kezek), Bozaryq s/j, Qainarbūlaq t/a, İsfidjab t/a, Sairam t/a, Qyzylsu tūrǧyn alaptarynyŋ jaŋa qūrylys aumaqtary. Atalǧan eldı mekender «Şymkent qalasyn damytudyŋ 2020-2023 jyldarǧa arnalǧan ıs-şara josparyna» engızılgen.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz