Şymkentte kompiuterlık tomografiia kabinetı aşyldy

Şymkent qalasyndaǧy Jürek ortalyǧynda zamanaui kompiuterlık tomografiia kabinetı aşyldy. Ondaǧy jaŋa qondyrǧy Koreia elınen arnaiy äkelıngen. Aq halattylar jürek aurularynan bolatyn ölım-jıtım sanyn azaityp, nauqastardy der kezınde diagnostikadan ötkızude zamanaui qūrylǧynyŋ maŋyzdylyǧy zor deidı. Soŋǧy ülgıdegı qondyrǧynyŋ qūny   300 mln teŋge tūrady. Mūndai  qūral elımız boiynşa sausaqpen sanarlyq eken. Ekeuı  Nūr-sūltan men Almaty qalasyndaǧy ortalyqtarǧa qondyrylypty. Osyǧan deiın Jürek ortalyǧyna  tüsken nauqastar diagnostikadan ötu üşın özge medisinalyq ūiymdarǧa sandalatyn deidı salaǧa jauaptylar. Qoldanystaǧy qūrylǧylardyŋ sapasy  būdan äldeqaida sapasy tömen deidı salaǧa jauaptylar. Baqytjan  Pozilov Şymkent qalasy densaulyq saqtau basqarmasynyŋ basşysy: Qondyrǧymen jūmys ısteudı därıgerler, laboranttar üirendı.... Joǧary sapaly tomografiia jürek, qan ainalymy aurulary diagnostikasynda ǧana emes bas-süiek, ökpe, aurularyn anyqtauda da taptyrmaityn qūrylǧy deidı därıgerler. Şymkentte bügınde 12 ortalyqta kompiuterlık tomografiia  bar. Kovid ındetı uşyqqan tūsta qūrylǧylar jetıspei, nauqastar da därıgerler de äbıger bolady eken. Endı pandemiia kezınde ortalyqtaǧy jaŋa qūrylǧyny da paidalanuǧa bolady deidı därıgerler. Darhan Süigenbaev. “Şymkent jürek ortalyǧy” AQ-nyŋ basqarma töraǧasy: Kompiuterlık zertteu bügınde özektı taqyryp bolyp otyr.  Koreia elınen aldyrylǧan kompiuterlık tomografiianyŋ respublikalyq tranştan bölıngen qarjyǧa satylyp alyndy. Qondyrǧynyŋ 160 srezdık kardiologiialyq opsiiasy bar.  Būl jaŋa qūral arqyly tek jürektıŋ aurularyn ǧana emes, basqa da türlısyrqattardy der kezınde anyqtauǧa sep bolyp,  ölım-jıtımdı aldyn aluǧa  mümkındık tuady. El Prezidentı Qasym-Jomart Toqaev kezektı Joldauynda densaulyq saqtau salasyna erekşe män berdı.   Memleket basşysy  qarajattyŋ eŋ aldymen  därı-därmek pen qūral jabdyqtarmen qamtamasyz etuge baǧyttalatynyn pysyqtap berdı. Osyny eskergen salaǧa jauaptylar aldaǧy uaqytta aimaqtaǧy jalǧyz jürek ortalyǧyndaǧy qūral-jabdyqtardy soŋǧy ülgıdegı tehnikalermen almastyramyz dep otyr.