Memleket basşysy Qasym-Jomar Toqaev Joldauda otandyq därı-därmek jäne medisinalyq qūral-jabdyqtarmen qamtamasyz etu deŋgeiın 50% jetkızudı tapsyrdy.Ol atalǧan salaǧa investorlardy tartyp, ozyq tehnologiiany engızıp, jaŋa zertteu jūmystaryn jürgızu keregın aitty.Būl rette şymkenttegı «EkoFarm İnterneişnl» JŞS qosar ülesı zor bolmaq. Jalpy jüktelgen mındet milliondy qalada bügıngı taŋda qalai jüzege asuda?
«EkoFarm İnterneişnl» JŞS üdemelı industriialyq-innovasiialyq damu memlekettık baǧdarlamasyaiasynda 2012 jyly qūrylǧan. Kompaniianyŋ negızgı qyzmetı- medisinalyq būiymdar öndıru bolyp tabylady. Atap aitqanda är türlı qospalary bar bır rettık sterildı vakuumdy probirkalar, 60 tiptı, medisinalyq bır rettık sterildı ekı jaqty ineler, 7 türlı jäne ine ūstaǧyş öndırıledı. Ūiymnyŋ öndırıstık quaty jylyna 140 million dana medisinalyq būiymdardy qūraidy.
Aiazbek Oljabai- synaq ortalyǧynyŋ direktory
Zauyttyŋ öndırıstık alaŋy 5000 m2 qūraidy. Käsıporynda 200 adam jūmyspen qamtylǧan. Bügıngı künge deiın 4 mlrd teŋgeden astam investisiia tartyldy.Kompaniia Oŋtüstık Koreia, Avstriia, Şveisariia jäne basqa da europalyq elderdıŋ tiımdılıgı joǧary qondyrǧylaryn qoldanuǧa negızdelgen qataŋ öndırıstık prosestı ūstanady.Sonymen qatar, osy jabdyqtyŋ bılıktı operatorlarynyŋ jūmysyna süienedı. Qyzmetkerler öndırılgen medisinalyq qūrylǧylardyŋ maŋyzdylyǧyn bıledı. Operatorlardy daiyndau prosesı jäne bılıktılık deŋgeiı ärdaiym baqylanady.
QarlyǧaşUmirova ,«EkoFarm İnterneişnl» JŞS tehnology
Aita keteiık,kompaniiada ISO 13.485 halyqaralyq standartyna säikes sapa menedjmentı jüiesı bar. Qazırgı uaqytta önımder Özbekstan, Ukraina, Resei memleketterınde tırkelgen. Osy atalǧan memleketterge jäne Europa elderıne önımderdı eksporttau boiynşa jūmystar jürgızılude.
NazkenSkandar
