Memleket basşysy Qasym-Jomart Toqaevtyŋ Qazaqstan halqyna arnaǧan Joldauyndaǧy negızgı basymdyqtardy tüsındıru jäne oryndau boiynşa Premer-Ministrdıŋ orynbasary Eraly Toǧjanov bastaǧan ükımettık delegasiia Şymkent qalasyna keldı.
Jūmys sapary barysynda Eraly Toǧjanov Şymkent qalasynda vedomstvoaralyq komissiianyŋ köşpelı otyrysyn ötkızıp, äleumettık nysandardy aralady.Köşpelı otyrysta Vise-Premer respublika boiynşa vaksinasiiamen qamtudyŋ joǧary qarqynynyŋ arqasynda Şymkent qalasyndaǧy epidemiologiialyq ahualdyŋ tūraqtanǧanyn atap öttı.
Sonymen qatar Eraly Toǧjanov äkımdıktıŋ aldyna memlekettık densaulyq saqtau baǧdarlamasynyŋ barlyq maqsatty indikatorlaryna qoljetkızu qajettılıgı turaly mındet qoidy. Sondai-aq, oqujylynyŋ dästürlı formata bastaluyna bailanysty mektepterde sanitariialyq normalardy saqtau jūmystaryn küşeitu tapsyryldy. Qalanyŋ medisinalyq mekemelerı ūjymdarymen kezdesu barysynda E. Toǧjanov memlekettıŋ qarjylyq qoldauynyŋ arqasynda medisinalyq mekemeler azamattarǧa sapaly medisinalyq kömek körsetu üşın zamanaui jabdyqtarmen qamtamasyz etılgenın atap öttı.
«Nizamhan» jeke mektebın aralau barysynda Eraly Toǧjanov Şymkent qalasyndaǧy jeke mektepter jelısın damytu boiynşa jūmysqa oŋ baǧa berıp, osy baǧyttaǧy jūmysty jalǧastyrudy tapsyrdy.Prezident öz Joldauynda eldegı biologiialyq qauıpsızdıktı jäne naryqty otandyq därı-därmektermen qamtamasyz etudı tapsyrdy. «Himfarm» AQ, «KazMedPribor» JŞS aralau barysynda memlekettık organdarǧa otandyq öndıruşılerge qoldau körsetu boiynşa naqty tapsyrmalar berıldı.Sapar soŋynda Vise-Premer E.Toǧjanov qala basşylyǧyna bırqatar tapsyrmalar jüktedı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz