Şymkenttıŋ 4 audanynda jastar ortalyǧy aşyldy

Şymkenttıŋ jastary būdan bylai ortalyqqa qarai sabylmaityn boldy. Olar özderı tūratyn audandaǧy ortalyqqa baryp qajettı keŋes aluǧa jol aşyldy. Tıptı, özın jan-jaqty damytamyn degender üşınde mümkındıkter qarastyrylǧan. El Täuelsızdıgınıŋ 30 jyldyǧyna orai şymşahardaǧy 4 audanda aşylǧan bölımşelerdı bügın qala äkımı Mūrat Äitenov özı baryp körıp qaitty. Ärbır baǧyt boiynşa mūnda jastar şyǧarmaşylyqtaryn şyŋdap qana qoimai, jas käsıpkerge ainaluda ǧajap emes. Olarǧa keŋes berude tyŋǧylyqty tırlıktı talap etken qala äkımı Mūrat Äitenov nesielendıru joldary arqyly  jan-jaqty mümkındıkterdı qarastyrǧan jön ekenın aitty. Erlan Aitbaev – Şymkent qalalyq jastar resurstyq ortalyǧynyŋ direktory Qaratau audanynan aşylǧan bölımşe ǧimarattyŋ ornalasu jerıne de asa män berılgen. Janynda 2 mektep, 4 oqu ortalyǧy, saiabaq,  gülzar,  teatr, mädeniet üiı, kıtaphana, aula kluby, 50 şaqty köpqabatty üi bar. Mūnyŋ özı jastarmen jūmys jürgızuge, olardyŋ bos uaqytyn tiımdı ötkızuge qolaily bolyp otyr. Degenmen, keleşekte ǧimarat aumaǧyn ülkeitudı qala äkımı qoldap otyr. Mūrat Äitenov – Şymkent qalasynyŋ äkımı Ortalyqtyŋ jūmysymen tanysyp, jastarmen sūqbattasqan şahar basşysy aralau soŋynda «Qazaqstan jastar kongresı» zaŋdy tūlǧalar bırlestıgınıŋ atqaruşy direktory Toqtar Bolysovpen yntymaqtastyq turaly memorandumǧa qol qoidy. Şymkent – jastardyŋ qalasy. Bügınde qala halqynyŋ 23 paiyzyn jastar qūraidy. Onyŋ ışınde Qaratau, Äl-Farabi, Abai audandaryndaǧy jastardyŋ ülesı basymyraq bolsa, Eŋbekşıde būl körsetkış  tömendeu eken. Şaharda aşylǧan ortalyq bölımşelerı Äl-Farabi audany boiynşa  sol būrynǧy JRO ortalyǧynda ornalassa, Abai audany boiynşa Kremliovskii köşesı  38/2 üiınde ornalasqan. Al, Qaratauda Nūrsat şaǧyn audany 200/18 üi bolyp bekıtılse, Eŋbekşıdegı bölımşenı Terıskei köşesınen taba alasyz.