Şymkent qalasynyŋ äkım Mūrat Äitenovtyŋ bastamasymen qolǧa alynǧan «Tūrǧyndarǧa jaily jäne qolaily ömır süru ortasyn qalyptastyru» tapsyrmasy negızınde Dostyqtaǧy talaidan berı jyr bolǧan jaryq mäselesı tübegeilı şeşımın tapty. Jalpy qaladaǧy özge de şaǧynaudandardyŋ infraqūrylymdyq jaǧdaiy jaqsaryp keledı. Eldımekenderge su, jaryq, kögıldır otyn tartylyp, joldar jöndelude. Osydan üş ai būryn bastalǧan Dostyq tūrǧyn alabyndaǧy elektr jelılerın tartu jūmystaryda aiaqtaluǧa jaqyn qaldy. Būl jūmystardyŋ sapaly jürgızıluın baqylau maqsatynda qalalyq Energetika jäne infraqūrylymdy damytu basqarmasynyŋ basşysy Boranbai Bulatbekov qūrylys jūmystarynyŋ barysyn öz baqylauda ūstauda.
Tasada qalyp ketken temır joldyŋ arǧy betı, osy uaqytqa deiın elektr quatyn eskı transformatardan alyp kelgen. Jaryqtyŋ bar degen aty bolmasa, jarymaityn künımız köp, deidı jergılıktı tūrǧyndar. Al, jekenıŋ transformataryna telmırgen halyq bolsa, tölegen teŋgemızge sapasy müldem säikes kelmeidı, dep nalyp otyr.
Maira Qojageldieva - Dostyq tūrǧyn alabynyŋ tūrǧyny
Dostyq tūrǧyn alabyn sapaly elektr quatymen qamtu jūmysyn «Jolserık» JŞS tarapynan biylǧy jyldyŋ mausym aiynda bastalǧan. Qazırgı uaqytta mūnda 224 elektr baǧanasy ornatylyp, 14 şaqyrym elektr jelısı tartylyp, jūmystyŋ 70 % aiaqtalǧan.
Ǧaziz Aryn - «Jolserık» JŞS-nıŋ bas injenerı
Mūndaǧy qūrylys jūmystary jyl soŋyna deiın belgılengen. Alaida, merdıger kompaniia merzımınen būryn aiaqtaudy josparlap otyr eken. Sodan keiın, «OŋtüstıkJaryqTranzit» JŞS-men är üige jeke esep şot aşyp, elektr quatyna qosu jūmystary jürgızıletın bolady. Nätijesınde Dostyq tūrǧyn alabyndaǧy 234 otbasy sapaly elektr quatymen qamtamasyz etıledı dep kütılude.
Näzira Husenova - Dostyq tūrǧyn alabynyŋ biı
Sapaly jaryq mäselesı äne-mıne şeşılgelı otyrǧan tūrǧyn alabta köşelerdı jaryqtandyru boiynşa atqarylatyn jūmystar ūzaqqa sozylmaityn şyǧar dep tūrǧyndar ümıttenıp otyr. Mūnan özge temır joldyŋ arǧy betındegı halyqty mektep pen balabaqşanyŋ jaiy da jiı mazalauda. Sondai-aq, tazalyq mäselesıne de män berılse eken degen tılekterın jarysa aityp qaldy.
G.Asqarqyzy
