Şymkenttıŋ infraqūrylymy jaqsaryp keledı

Elımızdegı üşınşı megapolistıŋ infraqūrylymy basty nazarda. Qala äkımı Mūrat Äitenovtyŋ tıkelei baqylauyndaǧy būl mäsele, bügınde bırşama rettele bastady. Osy oraida, qūrylysy jürıp jatqan gaz, su, jaryq jüielerınıŋ jūmysymen energetika jäne infraqūrylymdy damytu basqarmasynyŋ basşysy Boranbai Bolatbekov BAQ ökılderıne arnaiy tanystyrdy. Baspasöz turynyŋ alǧaşqy aialdamasy bügınde 98 paiyz  qūrylysy aiaqtalǧan avtomattandyrylǧan gaz taratu stansasy boldy. Qalany tabiǧi gazben tolyq qamtamasyz etu maqsatynda salynǧan nysan 250 000 m3/saǧ qūraidy. Al, nysannyŋ tehnikalyq qūral-jabdyqtary 100 paiyz ornatylyp qoiypty. Qalanyŋ tabiǧi gaz közderınıŋ quattylyǧy AGRS-1, AGRS-4 «Şymkent» 180 000 m3/saǧ qūrap otyr. Alaida, bügıngı taŋdaǧy qajettılık  -250 000 m3/saǧ qūrauy qajet. Osy qajettılıktı qamtamasyz etu maqsatynda AGRS-3 nysanyn saluǧa şeşım 2019 jyly qabyldanǧan bolatyn. Qazırgı taŋda, AGRS-3 nysannyŋ gaz qūbyryna gidravlikalyq syǧymdau jūmystary jürızılude. Stansiia ıske qosylsa, tūrǧyn üi, äleumettık, käsıpkerlık jäne öndırıstık nysandar sapaly jäne üzdıksız tabiǧi gazben qamtamasyz etılmek. Boranbai Bolatbekov – Şymkent qalalyq energetika jäne infraqūrylymdy damytu basqarmasynyŋ basşysy Bügınde qala halqynyŋ 92,2% tabiǧi gazben qamtylǧan. Aldaǧy uaqytta stansiia  ıske qosylsa 100 paiyzǧa jetedı degen jospar bar. Sondai-aq, kögıldır otynnyŋ qory qalada artyǧymen saqtalatyn bolady. Sonymen qatar, press-tur barysynda jurnalisterge  qūrylysy jürgızılıp jatqan üş magistraldy su qūbyrynyŋ qūrylys jūmystary tanystyryldy. Jalpy ūzyndyǧy 11,37 şaqyrymdy qūraityn «Kömeşbūlaq» nysanynyŋ qazırgı uaqytta 8,3 şaqyrym qūbyr ornatylyp, qūrylys jūmystarynyŋ 85 paiyzy aiaqtalypty. Ötken jyly bastalǧan qūrylys osy jyldyŋ qaraşa aiynda aiaqtau josparlanyp otyr eken. Dınmūhamed Janysbaev - «Saryaǧaş - Aman» JŞS-nıŋ  bas injenerı Atalǧan magistraldy su qūbyrynyŋ qūrylysy aiaqtalsa şahardyŋ soltüstık bölıgı, iaǧni Asar-2, Dostyq, Soltüstık saiajai, Yntymaq, Yntymaq-2, Batys, Qyzyljar, İgılık, Jaŋatalap, Täuelsızdıkke 20 jyl, Kökbūlaq tūrǧyn alaptary tolyqqandy sapaly auyz sumen qamtamasyz etıledı dep kütılude. Qazırgı taŋda  qala tūrǧyndaryn sapaly auyz sumen qamtu maqsatynda 14 nysannyŋ, iaǧni 3 magistraldy suaqqy men 11 ışkı oramdyq jüieler qūrylysy jürgızılude. Boranbai Bolatbekov – Şymkent qalalyq energetika jäne infraqūrylymdy damytu basqarmasynyŋ basşysy Biyl qūrylys jürıp jatqan 9 eldımekende jūmystar aiaqtaldy dep josparlanuda. Olar Tūran, Soltüstık saiajai, Yntymaq-2, Batys, Jaŋatūrlan, Asar-2, Aqtas, Jaŋatalap jäne Säule şaǧyn audandary sapaly auyz sumen qamtylady dep kütılude. Milliondy qalany sapaly elektr jaryǧymen qamtamasyz etu maqsatynda 2019 jyly «1-M-1»  qosalqy stansiiasynyŋ qūrylysy bastalǧan bolatyn. Jelılerdıŋ ūzyndyǧy – 5,2 şaqyrym. Qorektendıru jelısı 110 kV qūraityn qosalqy stansiiada bügınde tehnikalyq synaq jūmystary jürgızılıp jatyr eken. Nysan Bozaryq stansiiasynan quat alatyn bolady. Jandos Orynbasar - «Elektromontaj» AQ Kentau qalalyq filialynyŋ direktory Aldaǧy uaqytta qosalqy stansiiasy ıske qosylsa qalanyŋ 5 bırdei eldımekenı sapaly quat közıne qosylatyn bolady. Atap aitar bolsaq, olar Asar-2, Soltüstık saiajai, Qainarbūlaq, Dostyq, Qaitpas-2 şaǧynaudandaryndaǧy 60 myŋǧa juyq tūrǧyn qamtylady dep közdelude.