18 qyrküiek Düniejüzılık tazalyq künı. Osyǧan orai Şymkentte jalpy qalalyq senbılık ūiymdastyryldy. Oǧan qala äkımınen bastap barlyq basqarma basşylary men mamandary jäne tūrǧyndar men qala jastary qatysty. Tazalyq şarasy aiasynda dendro saiabaqtyŋ ışımen qaladaǧy qoǧamdyq oryndar tolyqtai tazalanyp, 165 tekşe metr qoqys qala syrtyna şyǧaryldy.
Qala äkımdıgıne qarasty basqarma mamandary aldymen Asanbai Asqarov atyndaǧy dendro saiabaqqa jinaldy. Ol jerde ortalyq aleiadaǧy jiektastardy syrlap, quraǧan aǧaş būtalaryn tazalady.
Asylhan Eşimov - A.Asqarov atyndaǧy dendrologiialyq saiabaǧynyŋ direktory
Negızınde bızde bärı taza. Qalalyq senbılık bolǧan soŋ jūmys küşı artyqtyq etpeidı ǧoi.bölıp-bölıp jūmys ısteimız.
Jalpy qalalyq senbılıkke 12 myŋnan astam adam men 100-den astam tehnika jūmyldyryldy. Al, tazalyq şarasy qala aumaǧyn tūtastai qamtydy. Ärbır audan äkımdıgı öz aumaǧyndaǧy halyq köp şoǧyrlanatyn qoǧamdyq oryndar men üi aulalaryn rettedı. Odan bölek irrigasiialyq aryqtar tazalanyp, demalys oryndarynda syrlau jūmystary jürgızıldı.
Ǧabit Mäulenqūlov – Şymkent qalasy äkımı apparatynyŋ basşysy
Negızıgı mındet halyqqa körsetu. Äkımdık qyzmetkerlerı tek kabinette otyrmaidy. Halyqpen bırge tazalyq jūmystarynda atqarady. Būl şymkent bızdıŋ ortaq üiımız Ortaq üiımızdıŋ taza bolǧany jaqsy ǧoi.
Aityp öteiık, osy jolǧy aksiia «Bırge taza Qazaqstan!» ekologiialyq jobasy aiasynda ūiymdastyryldy. Al atalǧan jobanyŋ maqsaty qorşaǧan ortanyŋ lastanu problemasyn boldyrmai, qoǧamda ekologiialyq mädeniettı qalyptastyru.
M. Jarylqasyn
