Balalar eŋbegıne mektepke 12 interaktivtı taqta alyndy

Şymkent qalasynyŋ äkımı Mūrat Äitenov «Şymkent jastar ligasynda» jeŋımpaz bolǧan A.S.Puşkin atyndaǧy №1 mektep-gimnaziiasynda boldy. Mektep aulasyndaǧy senbılıkke qatysyp, balalarǧa qalanyŋ taza, ädemı ärı jasyl jelekke oranyp tūruy ärbır adamnyŋ süiıspenşılıgı men janaşyrlyǧyn qajet etetının atap öttı.Şahmattan I oryn alǧan būl mektepke 20 mln teŋge qarjylai syilyq berılgen. Atalǧan qarjyǧa «Şymkent – qaiyrymdy qala» qory arqyly mekteptıŋ materialdyq-tehnikalyq bazasyn nyǧaitu maqsatynda 12 dana jyljymaly interaktivtı panel alǧan. Äkım oquşylardyŋ būl igı ısıne rizaşylyǧyn bıldırıp, mektepke tanytqan janaşyrlyqtary üşın alǧysyn jetkızdı. Öz kezınde balalar keler jylyda sporttyq jarysqa qatysatyndaryn aityp, bılım men sportta alda bolatyndaryna söz berdı.Qala basşysyn mektep direktory Gülnaz Abildaeva fizika, himiia jäne STEM kabinetterın jäne sport seksiialary men horegrafiia üiırmesınıŋ jūmysymen tanystyrdy.Mektep jetıstıgıne toqtalǧan Gülnaz Abildaeva bılım salasynda sıŋırgen eŋbegı üşın bır ūstaz «Qazaqstannyŋ Eŋbegı Erı » ataǧynyŋ iegerı ekenın, al ekı pedagog «Bılım salasynyŋ Qūrmettı Qyzmetkerı», bır mūǧalım respublikalyq «Üzdık pedagog» jäne tört ūstaz «QR aǧartu ısınıŋ ozaty» tösbelgısınıŋ iegerlerı  syndy erekşe qūrmetke ie bolǧanyn atap öttı.Sonymen qatar ol 116 oquşynyŋ «Altyn belgı» iegerı atanǧanyn,  48 bala halyqaralyq ǧylymi jobalardyŋ olimpiada jüldegerlerı ekenın jäne 67 bılım aluşy türlı olimpiada jeŋımpazdary bolǧanyn mälımdedı.Qala äkımı balalardyŋ sapaly bılım aluy üşın mektepterdıŋ materialdyq-tehnikalyq bazasyn nyǧaitu boiynşa jūmystar jüielı türde jürgızılıp keletının aityp, jaŋa modifikasiialanǧan jabdyqtarmen qamtamasyz etu maqsatynda 263 kabinet, 178 interaktivtı taqta ornatu jūmystary jürgızılgenıne toqtaldy. Bılım oşaǧynyŋ jūmysyna oŋ baǧasyn berdı.