Shymkent qalasynyń ákimi Murat Áıtenov Rysqulov-Qonaev kósheleriniń qıylysynda salynyp jatqan jolaıryqtyń qurylys alańyna bardy. Nysan qurylysy kestege saı júrgizilýde. D.Qonaev dańǵyly qazan aıynyń basynda ashylsa, T.Rysqulov kóshesi qarasha aıynda ashylady dep josparlanýda.
Nysan qurylysyna jaýapty merdiger - «Bazis Construction» JShS-gi. Jolaıryqtyń jalpy uzyndyǵy D.Qonaev dańǵyly boıynsha - 1 030 m, al T.Rysqulov kóshesi boıynsha - 684,7 m. Joldyń eni - 45 metr.Merdiger mekemeniń ókili búginde ınjenerlik jumystar tolyǵymen aıaqtalyp, Qonaev dańǵyly jáne Rysqulov kóshesi boıynsha 800 metr asfalt jabyndysy tóselgenin jáne jol ótpesiniń 20 balkasy ornatylǵanyn málim etti.Qonaev dańǵylyn tonnel arqyly kólikterdiń qozǵalysy qazan aıynyń basynda ashý josparlanýda. Jobaǵa sáıkes, Rysqulov kóshesinde Baıtursynov kóshesinen Dýlatı kóshesine deıingi aralyqta joldyń eni keńeıip, jol jamylǵysyn jańartý jumystary qarastyrylǵan.Jolaıryqtyń kópir ótkelin salý, jol jamylǵysyn salý jumystaryn jalǵastyrý úshin, Rysqulov kóshesinen Baıtursynov pen Dýlatı kóshesine deıin kólik qozǵalysy úshin tolyǵymen shektelgen.
