Şymkent äkımı «Jastar ligasynda» jeŋımpaz atanǧan №87 mektepke bardy

Şymkent qalasynyŋ äkımı Mūrat Äitenov «Şymkent jastar ligasynda» jeŋımpaz bolǧan № 87 A.Nazarbekov atyndaǧy jalpy orta mekteptı aralap, oquşylarmen tıldestı. Būl mektep futboldan jeŋımpaz atanyp, 20 mln teŋge qarjylai syilyq alǧan bolatyn. Atalǧan qarjyǧa «Şymkent – qaiyrymdy qala» qory arqyly mekteptıŋ materialdyq-tehnikalyq bazasyn nyǧaitu maqsatynda 12 dana jyljymaly interaktivtı panelder alǧan. Äkım oquşylardyŋ būl igı ısın qoldap, mektepke tanytqan janaşyrlyqtary üşın alǧysyn jetkızdı. Öz kezınde balalar keler jylyda sporttyq jarysqa qatysatyndaryn aityp, bılım men sportta alda bolatyndaryna söz berdı.18 qyrküiek - «Bırge taza Qazaqstan!» ekologiialyq jobasy aiasynda Şymkentte jalpyqalalyq senbılık bolǧandyqtan qala basşysy eŋ aldymen bılım oşaǧynyŋ tazalyq jūmysyna qatysty. Ūstazdarǧa oquşylardyŋ ekologiialyq bılımın arttyrudy, balalarǧa qorşaǧan ortanyŋ lastanuyna jol bermeudı jäne tabiǧatty qasterleudı aitty.Qala äkımıne mektep direktory A.Qapparova bılım mekemesındegı aqparattyq ortalyqpen, STEM jäne robototehnika kabinetterımen jäne Abaitanu būryşymen tanystyrdy. Sonymen bırge sport seksiialaryn aralap,  Şahmat boiynşa ötıp jatqan aşyq sabaqqa qatysty.Üş qabatty mektep 1200 oryndyq balaǧa şaqtalǧan. Mūnda ekı auysymda 2662 oquşy bılım alady.