Şymkent qalasyn tolyqtai kärız jüiesımen qamtu maqsatynda 13 nysannyŋ qūrylysy jürgızılıp jatyr. Olardyŋ 5-euı biyl jyl aiaǧyna deiın ıske qosylady dep kütılude. Qala äkımı Mūrat Äitenovtyŋ baqylauyndaǧy būl jūmystardy, salaǧa jauapty basqarma basşysy Boranbai Bolatbekovtyŋ özı qadaǧalauda.
Şapaǧat, Miras şaǧyn audandaryn kärız jüiesımen qamtamasyz etu jūmystary biylǧy jyldyŋ säuır aiynda bastalǧan. Ūzyndyǧy 52 şaqyrymǧa sozylǧan kärız qūbyry 1800 astam tūrǧyn üige tartyluda. Bügınde mūndaǧy jūmystardyŋ biylǧa josparlanǧan mejesın tolyǧymen oryndap qoidyq, deidı merdıger kompaniia ökılı.
Ǧalamat Batyrbekov – «Yntymaq bes arys» JŞS ökılı
Kärız jüiesıne qosylatyn kündı asyǧa kütıp jürgen mirastyqtar, ainalamyz şybyn-şırkeige tolyp barady, deidı. Soŋǧy kezde är üidıŋ aulasynan qazylǧan qaldyq su şūŋqyrlarynan şyqqan iıs, jel tūrsa bütın bır eldı meken halqynyŋ mazasyn qaşyratyn körınedı.
Nūrlan Şyrynbaev – Miras şaǧyn audanynyŋ tūrǧyny
Qazırgı taŋda kärız qūbyry qalanyŋ 13 nüktesınde jürgızılude. Onyŋ 3-euı magistraldy sarqyndy su jüiesı bolsa, qalǧan 10-y ışkı oramdyq jüie qūrylysy. Biyl onyŋ 5 eldı mekenındegı jūmys aiaqtalyp, paidalanuǧa berıledı dep josparlanuda. Būl rette 52 paiyzdy qūrap otyrǧan körsetkış 2 paiyzǧa öspek.
G.Asqarqyzy
