"Aq jol" QDP deputattary Ükımetten, prokuraturadan jäne sottardan fiskaldyq organdardyŋ bizneske qysymyn, jūmys ıstep tūrǧan käsıporyndardy bankrotqa ūşyratudy, käsıpkerlerdı qorqytudy jäne olarǧa qatysty qylmystyq ısterdı toqtatudy sūraidy. Būl turaly partiia basşysy Azat Peruaşev Mäjılıs otyrysynda mälımdedı dep habarlaidy "Adyrna" ūlttyq portaly.
Parlamenttıŋ tömengı palatasynyŋ 2022-2024 jyldarǧa arnalǧan biudjet jobasyn talqylauy barysynda "Aq jol" fraksiiasynyŋ jetekşısı transfertterdı esepke almaǧanda, 2024 jylǧa deiın biudjet kırısterın salyq tüsımderı esebınen şamamen 97%-ǧa jetkızudı qamtamasyz etu josparlanǧanyna nazar audardy."Tüsımderdı ūlǧaitu, negızınen, «jaqsartu» esebınen, naqty aitatyn bolsaq - salyqtyq äkımşılendırudı qataŋdatu esebınen josparlanyp otyr. Is jüzınde būl köbınese adal bizneske qaita salyq saluǧa äkeledı. Soŋǧy jyldary "Aq jol" fraksiiasy deputattarynyŋ poştasyna käsıpkerlerdıŋ sottardyŋ salǧyrttyǧy kezınde öz ökılettıkterın salyqşylardyŋ öz erkınşe tüsındıruı turaly osyndai ötınışterı kün saiyn kelıp tüsude, - dedı jetekşı.
"Fiskaldyq organdardyŋ bizneske şamadan tys qysymy, şottarǧa tyiym salu, keşe ǧana sättı jūmys ıstep jürgen käsıporyndardy bankrottyqqa jetkızu, käsıpkerlerdı qorqytu jäne olarǧa qatysty qylmystyq ıster bügıngı künnıŋ özınde ıskerlık jaǧdaiǧa qauıp töndıredı. Biznes tek investisiia üşın ǧana emes, käsıpkerlerdıŋ bostandyǧy men densaulyǧy üşın de qauıptı käsıpke ainaluda. Al memlekettık organdardyŋ būl täjıribenı qataŋdatu nietı eleulı alaŋdauşylyq tuǧyzady", - dedı A. Peruaşev."Bız Ükımetten, prokuratura organdarynan, äsırese sot instansiialarynan mūndai qauıpterdı sözben emes, ıs jüzındegı qadamdarmen seiıltıp, kerısınşe ekenın däleldeudı sūraimyz", - dedı Mäjılıs deputaty.
"Adyrna" ūlttyq portaly.
Ūqsas jaŋalyqtar
