"Aq jol" demokratiialyq partiiasynyŋ fraksiiasy Ūlttyq qor qarjysyna ziian keltırgenderdıŋ qoldaryn şabudy ūsyndy. Būl turaly Mäjılıs deputaty Azat Peruaşev Mäjılıstıŋ respublikalyq biudjettı talqylaǧan keşegı otyrysynda mälımdedı dep habarlaidy "Adyrna" ūlttyq portaly.
"Aq jol" demokratiialyq partiiasy on jyldan berı Ūlttyq qor qarajatymen tym erkın qarym-qatynasty şekteuge şaqyrady. Aǧymdaǧy jyldyŋ bırınşı jartyjyldyǧynda Ūlttyq qorǧa tüsetın tüsımder 2020 jylmen salystyrǧanda 3 esege qysqardy, degenmen biyl mūnai baǧasy köptegen jyldarmen salystyrmaly türde rekordtyq körsetkışke jettı", - dedı "Aq jol" QDP fraksiiasynyŋ jetekşısı.Ol Esep komitetınıŋ aqparaty boiynşa, aǧymdaǧy jyldyŋ bırınşı jartyjyldyǧynda Ūlttyq qordyŋ şyǧystary tüsımderden de asyp ketkenın atap öttı.
"Bız özgelerdıŋ - älı tuylmaǧan qazaqstandyqtardyŋ aqşasyn jep jatyrmyz. Sonymen qatar, 2022 jyly Ūlttyq qordyŋ jinaqtary JIÖ-nıŋ 30 %-ynda tömendemeitın qaldyqqa jaqyndaidy, al 2023-24 jyldary olar osy şekten de şyǧady dep kütılude", - dep tolyqtyrdy A. Peruaşev.Onyŋ aituynşa, ūsynylǧan üş jyldyq biudjette Ūlttyq qordan berıletın transfertter somasyn kezeŋ-kezeŋımen tömendetu qarastyrylǧan. Alaida, biudjettıŋ jyl saiynǧy naqtylanuy kezınde būl soma ekı esege derlık ūlǧaiady (mäselen, 2021 jylǧa nysanaly transfert mölşerı 850 mlrd. teŋgege ūlǧaityldy, degenmen bastapqyda biudjette 1 trln. teŋge bekıtılgen). "Sonymen qatar, aǧymdaǧy jyly Esep komitetınıŋ tekserulerınıŋ nätijelerı boiynşa trillion teŋgege biudjet qarajatynyŋ tiımsız paidalanylǧany anyqtaldy. Qūrmettı auditorlar men tärtıp saqşylary, endı jai qol qusyryp otyrmai, mūndai ıster üşın jauaptylardyŋ, obrazdy türde aitqanda, qoldaryn şabu kerek şyǧar. Al Ūlttyq qordyŋ şektı mölşerı şeŋberınen şyǧu boljamyna keletın bolsaq: būl boljam ükımettıŋ jospary nemese "maqsaty" retınde emes, aldyn aluǧa tiıstı aǧymdaǧy alaŋdatarlyq ürdısterdı baǧalau retınde qabyldanu kerek", - dep tüiındedı deputat.
"Adyrna" ūlttyq portaly.
Ūqsas jaŋalyqtar
