Şymkentte aldaǧy 4 jylda jylyjai kölemı 150 gektarǧa deiın ūlǧaiady. Ol üşın şaharda arnaiy agro ekonomikalyqaimaq qūrylyp jatyr. Ol jer 2025 jylǧa deiın kezeŋ-kezeŋımen igerıledı. Qalalyq auylşaruaşylyǧy jäne veterinariia basqarmasynyŋ baiandauynşa tek keler jyldyŋ özınde arnaiy aimaqta qūny 8 mlrd teŋgeden asatyn 8 joba jüzege asady. Jalpy Şymkenttıŋ qazırgı jylyjai qory qanşa, agroaimaqtyŋ tiımdılıgı qandai?
Şymkenttegı jylyjai keşenın damytu maqsatynda qūrylyp jatqan arnaiy agroekonomikalyq aimaǧy Märtöbe tūrǧyn alabynyŋ aumaǧyna ornalastyryluda. Qazır jer bölu jūmystary aiaqtalǧan. 2 käsıpker jyljai salu ısın bastap jıbergen. Taǧy 4-5 investor qarjy alu üşın qūjattaryn räsımdep jatqan körınedı. Eger maqsat oryndalsa, bıraz ıs bır jüiege tüsedı. .
Äbunasyr Janbatyrov – Şymkent qalasynyŋ auyl şaruaşylyǧy jäne veterinariia basqarmasybasşysynyŋ orynbasary
Qolailylyǧy tūqymmen qamtamasyz etuge, tauardy bırden satuǧa mol mümkındık tuady.
Agro ekonomikalyq aimaq qūrylsa qosymşa jūmys oryndary aşylady. Öitkenı, atalǧan aimaq maŋynan syiymdylyǧy 5 myŋ tonnadan asatyn arnaiy qoima salynady. Al jylyjai ısın jürgızuge negızınen jergılıktı mamandardy tartu josparlanǧan. Öitkenı, ol jūmysty meŋgergen jergılıktı mamandar jeterlık. Sonyŋ bırı Meiırbek Qalymbetov. Ol bügınde qaladaǧy ülken jylyjai keşenınde jūmys ısteidı.
Meiırbek Qalymbetov - agranom
Gollandskii kompaniianyŋ ugama sortyn är pomidordyŋ salmaǧy 250 gramm bolady. Josparlarymyz är kvdratynan 15 kilogramm önım alu.
Aityp öteiık qazırgı taŋda Şymqalada jalpy aumaǧy 30 gektardan asatyn öndırıstık jylyjai bar. Sonyŋ 3 gektary «Zäure» şaruaqojalyǧyna tiesılı. Onda şamamen 10 adam tūraqty jūmyspen qamtylǧan. Qazır qyzanaq egu üşın daiyndyq jūmystary jürgızılude.
Nariman Artyqbaev – «Zäure» ŞQ ökılı
Bızde önım osy aqpan aiynda daiyn bolady. Qazır qūrylys jūmystary jürgızılıp jatyr. Odan keiın obrabotka bolady. Sodan keiın egıledı.
Eger eske salsaq qalada agroaimaq salu ısı aldyn qolǧa alynǧan bolatyn. Sol kezde äuejai aumaǧynan jer bölıngen bolatyn. Bıraq keiın ol maŋnan saluǧa bolmaityny turaly şeşım şyǧyp jerı auystyrylǧan bolatyn.
M. Jarylqasyn
