Şymkentte paraqorlyq pen jymqyru faktılerı boiynşa qūqyq qorǧau, qūrylys jäne bılım salasy köş bastap tūr. Odan keiın densaulyq, salyq jäne jer qatynastary tızımde bar. Būl turaly Sybailas jemqorlyqqa qarsy ıs-qimyl agenttıgınıŋ Şymkent qalasy boiynşa departamentı basşysynyŋ bırınşı orynbasary Talǧar Serıkbaev aitty. Sondai-aq, ol biylǧy 8 aidaǧy sala qyzmetınıŋ nätijelerımen bölıstı.
Atqarylǧan jūmystarmen tanystyrǧan departament basşysynyŋ bırınşı orynbasary jyl basynan berı 63 qylmys anyqtalǧanyn atap öttı. Olardyŋ 45-ı sybailas jemqorlyq sipatynda. Jymqyru faktılerı boiynşa – 17, paraqorlyq boiynşa 30 qylmys tırkelgen.
Talǧar Serıkbaev - Sybailas jemqorlyqqa qarsy ıs-qimyl agenttıgınıŋ Şymkent qalasy boiynşa departamentı basşysynyŋ bırınşı orynbasary
Sondai-aq, Talǧar Serıkbaev para alu, beru faktısınıŋ jolyn kesuge yqpal etken azamattarǧa arnaiy syiaqy qaralatyndyǧyn jetkızdı. Ol üşın, 1424 koll ortalyǧy jūmys ısteidı. Mäselen, būǧan deiın sybailas jemqorlyqtyŋ aldyn alǧan 11 Şymkenttık tūrǧynǧa 2 million teŋge şamasynda syiaqy berılgen.
Talǧar Serıkbaev - Sybailas jemqorlyqqa qarsy ıs-qimyl agenttıgınıŋ Şymkent qalasy boiynşa departamentı basşysynyŋ bırınşı orynbasary
Qazırgı taŋda departament tarapynan biznes pen investorlardy qorǧau jobasy ıske asyryluda. Sondyqtan, kez kelgen käsıpkerlık obektısı memlekettık organdar tarapynan qysym körgen jaǧdaida departamentke jügınuıne bolady. Aityp öteiık, jyl basynan berı qala tūrǧyndarynan departamentke 1083 aryz-şaǧym tüsıp, tiıstı şaralar atqarylǧan.
Perizat Ortai
