Nūr-Sūltanda QR Prezidentı janyndaǧy Ortalyq kommunikasiialar qyzmetınde QR Aqparat jäne qoǧamdyq damu, Mädeniet jäne sport, Bılım jäne ǧylym ministrlıkterınıŋ "Ūlttyq ruhani jaŋǧyru" ūlttyq jobasy: negızgı baǧyttar" taqyrybyndaǧy brifingı öttı dep habarlaidy "Adyrna" ūlttyq portaly.
QR Aqparat jäne qoǧamdyq damu ministrı brifing barysynda Ūlttyq joba Memleket Basşysy Qasym-Jomart Toqaevtyŋ tapsyrmasy boiynşa äzırlenıp, qazaqstandyq qoǧamnyŋ mädeniet, aǧartu jäne ūlttyq ruh deŋgeiın arttyruǧa baǧyttalǧanyn atap öttı.
Aida Balaeva Ūlttyq joba Tūŋǧyş Prezident – Elbasy Nūrsūltan Nazarbaevtyŋ baǧdarlamalyq maqalasynda aitylǧan "Ruhani jaŋǧyru" qūndylyqtaryn ılgerıletudıŋ kelesı kezeŋı bolyp tabylatynyn atap öttı."Mazmūny jaǧynan būl mänı tereŋ, auqymy öte keŋ Joba. Būl – qanşama ǧasyrlar boiy qalyptasqan halqymyzdyŋ mädeni bolmysy, tarihy men tamyry. Sondyqtan, äsırese qazırgı jahandanu kezeŋınde ony saqtap qalu, ūrpaq boiyna sıŋırudıŋ maŋyzy zor. Bügıngı ūrpaq boiyna "ūlttyq kod" ūǧymyn qanşalyqty tereŋ sıŋırsek – ol bızdıŋ erteŋgı ūlt bolyp qaluymyzdyŋ kepılı", - dep atap öttı ministr.
Ūlttyq joba üş baǧyt boiynşa ıske asyrylady, olardy oryndauǧa bırden üş ministrlık qatysady. Qūjatqa jetı mındet, 20-dan astam körsetkış jäne 60-tan astam ırı ıs-şaralar kıredı. Bırınşı baǧyt – eldıŋ ziiatkerlık äleuetın jäne memlekettık tıldıŋ märtebesın arttyru. Ol sapaly kontenttı ūlǧaitu arqyly ıske asyrylatyn bolady.Elımızdıŋ ziiatkerlık äleuetın damytu boiynşa 38 joba josparlanǧan. 2025 jylǧa deiın barlyq oquşylardy elımızdıŋ mädeni mūrasymen tereŋırek tanystyratyn jobamen qamtu josparlanuda, al "Oqityn ūlt" jobasy qazaqstandyqtardyŋ oqyrmandyq belsendılıgın arttyruy tiıs. Memlekettık tıl märtebesın damytu üşın oqu baǧdarlamalary men ädıstemeler jaŋartylatyn bolady. Qazaq tılınıŋ ūlttyq korpusyn qūru, latyn älıpbiın engızudı jalǧastyru jäne qazaq tılın damytuǧa müddelı barlyq adamdardy oqu ädebietımen qamtamasyz etu josparlanuda.
Ekınşı baǧyt – "El ruhy" qazaqstandyq kino önımderı men multfilmder öndırısın jeŋıldetuge, otandyq suretşıler men fotograftardyŋ körmelerın, qazaqstandyq estrada metrlerınıŋ konsertterın qoljetımdı etuge mümkındık beretın şaralar keşenın bırıktıredı.Aida Balaeva ekınşı baǧytty ıske asyru 2025 jylǧa qarai bes naqty nätijege qol jetkıze otyryp, şamamen 13 ırı mädeni ıs-şarany qamtitynyn atap öttı. Konsertter, spektaklder men türlı körmeler Qazaqstannyŋ ırı qalalarynda ǧana emes, sondai-aq elımızdıŋ şalǧai audandarynda da ötedı dep boljanuda. 2025 jylǧa qarai 40 animasiialyq film jasalady, al kinoprokattaǧy otandyq filmderdıŋ ülesı kemınde 25%-dy qūraityn bolady. QR Aqparat jäne qoǧamdyq damu ministrı öz sözınde "E-culture.kz" bıryŋǧai elektrondyq platforma jobasyn atap öttı: "Joba otandyq mädeniettıŋ barlyq jetıstıkterıne erkın rejimde onlain türde qol jetkızuge mümkındık beredı. Jer şarynyŋ kez kelgen nüktesınen, üiden şyqpai-aq, bızdıŋ mūrajailar men teatrlarǧa, kıtaphanalarǧa jäne basqa da mädeni körıktı jerlerge baruǧa bolady", - dedı.
Üşınşı baǧyt – "Täuelsızdık ūrpaqtary" jastar üşın jaŋa mümkındıkter jasauǧa baǧyttalǧan.Ministr Aida Balaeva būl baǧyt jastardyŋ negızgı problemalaryn – qoljetımdı bılım, jūmyspen qamtu jäne tūrǧyn üidı şeşuge kömektesuı tiıs ekenın tüsındırdı. Osy baǧyt şeŋberınde kemınde 800 myŋ jas tūrǧyn üi jinaqtary jüiesın paidalana alady; 1 mln-ǧa juyq jastar qazaqstandyq äleumettık qyzmettermen qamtamasyz etıledı; barlyq baǧdarlamalar boiynşa jas otbasylar üşın qaryz ülesı 25%-ǧa deiın artady; 1,5 mln-ǧa juyq jastar sporttyq jäne ekologiialyq jobalarǧa tartylatyn bolady.
"NEET kategoriiasy dep atalatyn jastardy qoldau şaralaryna erekşe nazar audarǧym keledı, onda bız jūmyspen qamtylmaǧan jastardyŋ sanyn 5%-ǧa deiın tömendetudıŋ naqty mındetın qoiamyz", - dedı Aida Balaeva.
Brifing barysynda BAQ ökılderı "Ūlttyq Ruhani jaŋǧyru" ūlttyq jobasy boiynşa sūraqtar qoiyp, olarǧa QR AQDM basşysy Aida Balaeva, Mädeniet jäne sport vise-ministrı Nūrǧisa Däueşov, QR Bılım jäne ǧylym ministrlıgınıŋ ökılı Ädılbek Qabaev jauap berdı.
"Adyrna" ūlttyq portaly.
