2 künge sozylǧan «Shymkent 2200: Turistık kreativtı qala beinesı» forum-körmesı qorytyndylandy. Qorytyndy keşke qala äkımı Mūrat Äitenov arnaiy qatysyp, barşa qala tūrǧyndaryn 27 qyrküiek – Düniejüzılık turizm künı merekesımen qūttyqtady. Sondai-aq, forum aiasynda ūiymdastyrylǧan kreativtı jobalar konkursynyŋ jeŋımpazdary marapattaldy.
Shymkent 2200: Turistık kreativtı qala beinesı».Osyndai ataumen Şymkentte 2 kündık forum-körme öttı. Qala äkımı Mūrat Äitenov körmege qoiylǧan qalamyzdaǧy kreativtı jobalar men tuyndylarmen jeke-dara tanys boldy. Sondai-aq, qorytyndy keşte şahar basşysy turistık kreativtı qala qalyptastyru üşın Şymkenttıŋ äleuetı jetetındıgın atap aitty. Ol üşın bügıngı forumnyŋ maŋyzdy ekendıgıne toqtaldy.
Mūrat Äitenov – Şymkent qalasynyŋ äkımı
«Memleket basşysy turizm industriiasy ekonomikalyq ösımnıŋ maŋyzdy draiverı boluy tiıs ekendıgın aitty. Älemdegı köptegen qalalardyŋ ekonomikasy turizm tabysynan qūralady. Osy mümkındık Şymkent qalasynyŋ damu baǧdary boluy kerek. Turistık kreativtı qala qalyptastyru boiynşa bügıngı forum-körmede qalamyzda turizm industriiasyn damytu mümkındıkterı qarastyrylady.
Forumda kreativtı industriialardy damytu jönındegı jobalyq keŋsenıŋ jetekşısı Danat Jumin, «Salem Coffee» jäne «Global Coffee» kofehanalar jelısınıŋ negızın qalauşy Aiat Azimov, Şymkent qalalyq «Atameken» käsıpkerler palatasynyŋ direktory Nūrlan Qabyştaev jäne basqa da turistık qyzmet körsetetın käsıp ökılderı jetıstıkterın aityp, ideialarymen bölıstı. Sondai-aq, körmege elımızdıŋ özge de qalalarynan qonaqtar kelıp, tuyndylardy tamaşalady.
Ǧalymjan Karimov – Nūr-Sūltan qalasy investisiialar jäne käsıpkerlıktı damytu basqarmasynyŋ bölım basşysy
Rasynda, jyldan jylǧa Şymkenttıŋ turizm salasy ılgerılep, qala ekonomikasyna oŋ üles qosyp keledı. Ol üşın türlı şaralar da atqaryluda. Osy baǧyttaǧy jūmystardyŋ odan ärmen jalǧastyru üşın Şymşahardan elımızdıŋ basqa qalalaryna qatynaityn äue baǧyttary keŋeimek. Mūndai süiınşı jaŋalyqpen qala äkımınıŋ orynbasary Maqsūt İsahov BAQ ökılderımen bölıstı.
Maqūst İsahov – Şymkent qalasy äkımınıŋ orynbasary
«SHYMKENT 2200: TURİSTIK KREATİVTI QALA BEINESI» KONKURSYNYŊ JEŊIMPAZDARY ANYQTALDY
«Shymkent 2200: turistık kreativtı qala beinesı» konkursynyŋ jeŋımpazdary da osy keşte marapattaldy. Barlyǧy 70-ten asa joba ötınımı tüsken saiysta IT-joba, kreativtı arhitektura, turizm salasyndaǧy kreativtı qyzmetter, qalanyŋ qolöner brendy jäne gastronomiia syndy 6 baǧyt qamtylǧan. Şyn bılımıdıler bäsekelesken saiysta Ernazar Baidılbaev oza şapqandardyŋ bırı boldy. IT baǧytyndaǧy üzdık joba iesı atanǧan ol būl jūmysyna 1 jyldan astam uaqyt bölgen.
Ernazar Baidılbaev –« IT» baǧytyndaǧy üzdık joba iesı
Menıŋ jobamnyŋ atauy – Şymkent qalasynyŋ 3D tury. Mäselen, qalaǧa kelgen qonaqtar 1 apta ışınde qalamen tolyqtai tanysa almauy mümkın. Sondai jaǧdaida menıŋ jobam qalamen syrttai 3 D türde tanysuǧa mümkındık beredı.
Turistık kreativtı qala beinesın ūsynǧan azamattar türlı syi-siiapattarmen marapattalyp, turistık sala ökılderınen arnaiy turlarǧa sertifikattar jäne meiramhanalarda tamaqtanu jeŋıldıkterın aldy. Sondai-aq, Is-şara aiasynda qalalyq turizm jäne syrtqy bailanystar basqarmasy, Nūr-Sūltan qalasynyŋ investisiialar jäne käsıpkerlıktı damytu basqarmasy, Qyzylorda oblysy käsıpkerlık jäne turizm basqarmasy, M.Äuezov atyndaǧy OQU arasynda, sonymen qatar, «Visit Shymkent» turistık aqparattyq ortalyǧy men «Taraz turizm», «OCA TRAVEL» turistık agenttıgı arasynda ekı jaqty kelısımge qol qoiyldy.
Perizat Ortai
