Assambleia yntymaq ülgısı boluy kerek. Äsırese jastar arasynda bırlıktı nasihattau ısınde osy ūiym aldyŋǧy qatardan tabyluy tiıs. Osylai degen Qazaqstan halqy Assambleiasy hatşylyǧynyŋ meŋgeruşısı Marat Äzılhanov Şymkentke jasaǧan saparynyŋ maqsatyna toqtaldy. Qalalyq etnomädeni bırlestıkterdıŋ töraǧalarymen jäne assambleia janyndaǧy qoǧamdyq qūrylymdardyŋ jetekşılerımen kezdestı.
Biyl QHA qyzmet baǧyty boiynşa Şymkentte 186 ıs-şara ūiymdastyrylǧan. Qoǧamdyq kelısım keŋesterımen 19 mäsele qaraldy. Analar keŋesterınıŋ bastamasymen 5 joba ıske asty. Assambleianyŋ mediativtık alaŋdarynda 53 dauly mäsele oŋ şeşılgen. Jiyndy jürgızgen qala äkımınıŋ bırınşı orynbasary Şyŋǧys Mūqan şaharda atqarylyp jatqan şarualarǧa toqtaldy.
Şyŋǧys Mūqan – Şymkent qalasy äkımınıŋ bırınşı orynbasary
Qazaqstan halqy Assambleiasynyŋ HHIH sessiiasynda berılgen tapsyrmalardy sapaly jüzege asyru barysy talqylanǧan jiynda etnomädeni bırlestık ökılderıne söz berıldı. QHA janyndaǧy Qoǧamdyq kelısım keŋesınıŋ töraǧasy Orynbai Rahmanberdiev qalalyq filial qyzmetkerlerınıŋ jalaqysyn köteru kerektıgın söz ettı. Korei etnomädeni bırlestıgınıŋ töraiymy Roza Pak, qalalyq özbek etnomädeni bırlestıgı jastar qanatynyŋ müşesı Hurmatoi Abduhamidova söz söilep, ūsynys-pıkırlerın aitty. Jiyndy tüiındegen Marat Äzılhanov assambleianyŋ älıde atqaruy tiıs şarualardyŋ köp ekendıgın eskerttı. Sonyŋ bırı jastar arasynda yntymaqty damytu.
Marat Äzılhanov - QHA töraǧasynyŋ orynbasary
Özektı mäselenıŋ bırı elımızde jastar arasynda yntymaqty nyǧaitu. Osy maqsatty assambleia jūmysyn jetıldıru qajettılıgı tuyndauda. Tärbienı tal besıkten bastau kerektıgın QR Aqparat jäne qoǧamdyq damu ministırlıgnıŋ etnosaralyq qatynastardy damytu komitetınıŋ töraǧasy Ǧalym Şoikin atap öttı.
Ǧalym Şoikin - QR Aqparat jäne qoǧamdyq damu ministırlıgınıŋ etnosaralyq qatynastardy damytu komitetınıŋ töraǧasy
Assambleia müşelerınıŋ ūsynys-pıkırlerın tyŋdap, pıkır almasqannan keiın QHA töraǧasynyŋ orynbasary memlekettık saiasat aiasynda bırlık pen tatulyqty nyǧaituda belsendı qyzmet jasap jürgen bırqatar azamattarǧa Alǧys hat tabystady.
K. Düisenbı
