Şymkent: Kıtap oqityn bukkrossing būryşy aşyldy

Täuelsızdıktıŋ 30 jyly aiasynda Şymkent qalalyq ortalyqtandyrylǧan köpşılık kıtaphanalar jüiesıne qarasty Abai atyndaǧy kıtaphananyŋ bastamasymen «Kıtap oqityn Şymqala» bukkrossing şarasy öttı. Jiynǧa aqyn S. Nūrman, D. Tanabaev, «Jas qalamger» aqyndar klubynyŋ müşelerı qatysty. — Qala tūrǧyndarynyŋ kıtap oquǧa degen qyzyǧuşylyǧyn arttyryp, qazaq ädebietınıŋ ınju-marjandaryn qoljetımdı etu maqsatynda bukkrossing būryştary ūiymdastyryluda. Şılde aiynda qaladaǧy auruhanalar men oŋaltu ortalyqtarynda aşylǧan bolatyn. Bügın Qaratau audanynyŋ aumaǧynda S. Bäiterekov eskertkışı men №130 jalpy orta mektep maŋynda ūiymdastyrylyp otyr. Būiyrtsa, aldaǧy aptada qalanyŋ basqa audandarynda da ūiymdastyrmaqpyz,- deidı Abai atyndaǧy ortalyq kıtaphananyŋ meŋgeruşısı Nürila Jūmanova. Köşedegı kıtap söresı qala tūrǧyndaryn ädebiet oquǧa ǧana baulymai, adam boiyndaǧy jauapkerşılık, adaldyq, tazalyq syndy qasietterdı de qalyptastyra tüserı sözsız. Sebebı, kıtap söresı eş baqylausyz, aşyq alaŋda ornalasqan. N. Jūmanovanyŋ aituynşa, kez-kelgen qala tūrǧyny söredegı qyzyqtyrǧan ädebiettı oquǧa alyp, qaita ornyna äkelse boldy.Sondai-aq, üiındegı oqylǧan ädebietterın bukkrossing būryşyna syiǧa da qaldyra alady. Şara qonaqtary kıtaphanaşylardyŋ käsıbi merekesımen qūttyqtap, bukkrossing būryştarynyŋ oqyrmany köbeisın degen tılek bıldırdı. Jiyn sirk önerpazdary men mektep oquşylarynyŋ konserttık baǧdarlamasymen jalǧasty.