Taksı baǵasy 15%-ǵa qymbattamaq

586

Sarapshylar bir aıdan keıin taksı quny taǵy 10-15%-ǵa qymbattaýy múmkin ekenin aıtady, dep habarlaıdy “Adyrna” ulttyq portaly “Habar”arnasyna silteme jasap. 

Elde taksı qyzmetiniń quny sharyqtap ketti. Mamandar munyń sebebi naryqta sanaýly kompanııa bolǵandyqtan, báseke joq deıdi. Jolaýshylar taksı baǵasynyń qymbattap bara jatqanyna narazylyq tanytty. Ásirese iri qalalarda kún raıynyń ózgerýine baılanysty jáne kólik keptelisi kezinde jol aqysy ózgeredi deıdi.

Astanalyqtar jumystan keıin ishi lyq toly qoǵamdyq kólikke syǵylysyp minýge tyrysady. Eger úlgermese, taksı qyzmetine júginýge týra keledi. Al taksı quny keshki altydan keıin sharyqtap ketedi. 

“Halyqtyń 90 paıyzdan astamy mobıldi qosymsha arqyly taksı qyzmetin paıdalanady.  Kóliktiń baǵasy 15 paıyz qymbattaıdy. Jáne janarmaı qymbattaýy da sebep bolyp otyr. Sonymen qatar básekelestik bolmaýy da áser etedi. Mobıldi qosymshaǵa tirkelgenderdiń suranysy artady, onyń ústine keptelis bar. Osy faktorlarǵa baılanysty quny esepteledi”, – deıdi Qazaqstan taksı qaýymdastyǵynyń tóraǵasy Medet Qurmanov. 

Bul salany baqylaýǵa alý qajet ekeni jyldar boıy aıtylyp keledi. Degenmen nátıje joq. Qazir elde reseılik tehnologııalyq alpaýytpen básekelese almaıtyn birneshe kompanııa bar. Burynǵy dıspetcherlik qyzmetter joqtyń qasy.  Sala mamandarynyń aıtýynsha, taksoparkter qazir Yandex, Uber nemese Didi sekildi agregatorlarmen seriktestikte. Naryq ózin-ózi qalyptastyrady. Buǵan memlekettik organdardyń aralasýy jón emes deıdi. 

“2010 jyldan bastap bizde klassıkalyq taksopark boldy. 2014 jyly taxi.kz mobıldi qosymshamyz boldy. Sol jyly naryqqa ındraıver keldi. Biz olarmen uzaq ýaqyt báseke boldyq. 2015-16 jyldary Iandeks pen Uber naryqqa kirip, bizdiń mobıldi qosymshamyz olarmen básekelese almady. Dıdı qysta kelip, naryqqa kirýge umtyldy. Bul tarıfterge de áser etti, júrgizýshiler men jolaýshylar  osy básekede paıda tapty. Elde monopolıst joq, bul bizge paıdaly”, – deıdi taksopark ıesi Tımýr Qudaıbergenov. 

Biraq elde taksı naryǵynyń monopolııalanýy jaıly aıtýǵa negiz joq. Bul sarapshy pikiri. Qazir jergilikti kompanııalar joıylyp, sheteldik platformalar naryqty basyp aldy. Olarmen kishi taksoparkter básekelese almaıdy.

“Ókinishke qaraı, bizdiń IT-kompanııalar der kezinde qımyldamady. Sheteldik kompanııalardyń eshqaısysy memlekettik emes, jeke kompanııa. Sondyqtan bizdiń IT-kompanııalarymyzǵa tapsyrystar qyzmetiniń osyndaı servısterin jasaýǵa eshkim kedergi jasaǵan joq. Mysaly, Ýkraına naryǵy dál solaı. Onda kóshbasshylardyń biri - jergilikti kompanııa. IT-naryǵynyń nashar damýyna baılanysty elde báseke de bolmaı otyr”, – deıdi halyqaralyq ınvestıııalyq kompanııa sarapshysy Andreı Chebotarev. 

Tutynýshylar baǵasynyń dúnıejúzilik derekqory málimetterine sáıkes, Qazaqstan búginde TMD elderindegi taksı qyzmetteriniń eń joǵary tarıfteri boıynsha alǵashqy úshtikke kiredi. Sarapshylardyń boljamy boıynsha, bir aıdan keıin baǵalar taǵy 10-15% kóterilýi múmkin.

”Adyrna” ulttyq portaly

Pikirler
Uqsas jańalyqtar