Osy jyldan bastap TVcom kompaniiasy ne sebeptı Resei arnalary körsetılmeitının tüsındırıp berdı, dep habarlaidy "Adyrna" ūlttyq portaly kursiv.kz saityna sılteme jasap.
Būǧan deiın «Bırınşı arna» ökılderı kompaniianyŋ qaryz ekenı habarlaǧan bolatyn. Al «TV Commerce» JŞS direktory Talǧat Şäkenov mäsele reseilık holding ūsynǧan naryqtyq emes şarttardan tuyndaǧanyn jetkızdı. Şäkenovtıŋ aituynşa, Bırınşı arna baǧalardy qymbattatudy közdep otyr. Al TVcom qymbat baǧalardy tölei almaidy. Onyŋ oiynşa, Bırınşı arnanyŋ osy jylǧa qoiǧan baǧasy aqylǧa qonymsyz. «Negızınen, bız qūnyna kelıse almadyq. Bız bastapqyda naryqtyq emes şarttaryna köŋılımız tolmai, bırneşe jyl qatarynan olarmen kelıssözder jürgızuge tyrystyq. Bız öz oiymyzdy jetkızuge tyrystyq, olar şartty qaita qarap, şeşımın tabatynyn aityp, uäde berdı. Nätije bız kütkendei bolmady. Jalpy, bız ötken jyldyŋ basynda olardy öşıruge daiyn edık. Sebebı ol arnalardyŋ qūny öte joǧary boldy. Bıraq qūnyn qaita qaraimyz dep uäde bergendıkten, öşırmedık. Al kelısımşart 31 jeltoqsanda aiaqtaldy», – dep tüsındırdı ol. «Bızge olardyŋ naryqtyq talaptarǧa säikes baǧany tüsırgenı kerek. Äzırge bız de, olar da aitqanymyzdan qaitpai otyrmyz. Bız mūndai baǧalarǧa köne almaimyz. Sebebı olar ūsynǧan soma aqylǧa qonymsyz», – dedı TV Commerce direktory. Aita keteiık, būǧan deiın jurnalist, media-sarapşy Diana Okremova "Bız reseilık arnalarǧa özımızde habar taratqany üşın aqşa töleimız. Al bız ol jaqta habar taratqanymyz üşın Reseige töleimız. Habar taratatyn baǧdarlamalar belgılı bır somaǧa biudjet qarajatyn paidalanyp, reseilık qoǧamnyŋ problemalaryn körsetedı", - dep pıkır bıldırgen bolatyn."Adyrna" ūlttyq portaly
Ūqsas jaŋalyqtar
