Osy jyldan bastap TVcom kompanııasy ne sebepti Reseı arnalary kórsetilmeıtinin túsindirip berdi, dep habarlaıdy "Adyrna" ulttyq portaly kursiv.kz saıtyna silteme jasap.
Buǵan deıin «Birinshi arna» ókilderi kompanııanyń qaryz ekeni habarlaǵan bolatyn. Al «TV Commerce» JShS dırektory Talǵat Shákenov másele reseılik holdıng usynǵan naryqtyq emes sharttardan týyndaǵanyn jetkizdi.
Shákenovtiń aıtýynsha, Birinshi arna baǵalardy qymbattatýdy kózdep otyr. Al TVcom qymbat baǵalardy tóleı almaıdy. Onyń oıynsha, Birinshi arnanyń osy jylǵa qoıǵan baǵasy aqylǵa qonymsyz.
«Negizinen, biz qunyna kelise almadyq. Biz bastapqyda naryqtyq emes sharttaryna kóńilimiz tolmaı, birneshe jyl qatarynan olarmen kelissózder júrgizýge tyrystyq. Biz óz oıymyzdy jetkizýge tyrystyq, olar shartty qaıta qarap, sheshimin tabatynyn aıtyp, ýáde berdi. Nátıje biz kútkendeı bolmady. Jalpy, biz ótken jyldyń basynda olardy óshirýge daıyn edik. Sebebi ol arnalardyń quny óte joǵary boldy. Biraq qunyn qaıta qaraımyz dep ýáde bergendikten, óshirmedik. Al kelisimshart 31 jeltoqsanda aıaqtaldy», – dep túsindirdi ol.
«Bizge olardyń naryqtyq talaptarǵa sáıkes baǵany túsirgeni kerek. Ázirge biz de, olar da aıtqanymyzdan qaıtpaı otyrmyz. Biz mundaı baǵalarǵa kóne almaımyz. Sebebi olar usynǵan soma aqylǵa qonymsyz», – dedi TV Commerce dırektory.
Aıta keteıik, buǵan deıin jýrnalıst, medıa-sarapshy Dıana Okremova "Biz reseılik arnalarǵa ózimizde habar taratqany úshin aqsha tóleımiz. Al biz ol jaqta habar taratqanymyz úshin Reseıge tóleımiz. Habar taratatyn baǵdarlamalar belgili bir somaǵa bıýdjet qarajatyn paıdalanyp, reseılik qoǵamnyń problemalaryn kórsetedi", - dep pikir bildirgen bolatyn.
"Adyrna" ulttyq portaly
