Úkimet úıinde QR Premer-Mınıstri Álıhan Smaıylov ortalyq memlekettik organdar jáne oblys ákimdikteri basshylyǵynyń qatysýymen jıyn ótkizdi. Jıynda úkimet basshysy áleýmettik mańyzǵa ıe azyq-túlik taýarlary baǵasynyń sharyqtaýyn synǵa aldy, dep habarlaıdy "Adyrna" ulttyq portaly "https://primeminister.kz"-ge silteme kórsetip.
Saýda jáne ıntegraııa birinshi vıe-mınıstri Arman Shaqqalıev sońǵy 10 aıda azyq-túlik ınflıaııasynyń 20,5%-ǵa jetkenin habarlady. Ótken aıdyń qorytyndysy boıynsha áleýmettik mańyzy bar azyq-túlik taýarlaryna baǵanyń ósýi 0,8%-dy kórsetti. Atap aıtqanda, jumyrtqa 7,6%-ǵa, un 3,9%-ǵa, kúrish 3%-ǵa, sút 2,2%-ǵa qymbattady. Sonymen qatar bir apta ishinde sábiz (0,8%), kartop (0,6%), qant jáne qyryqqabat (0,1%) quny tómendegen.
Azyq-túlik ónimderiniń baǵasyn turaqtandyrý maqsatynda astyqty, jemshóp jáne kúnbaǵys maıyn arzandatý máselesi josparda bar. Degenmen, onyń aıtýynsha, jumyrtqa, ósimdik maıy, kúrish sekildi taýar satatyndar bul jospardy júıeli oryndaýǵa yryq bermeı otyrǵany baıqalady.
«Abaı oblysyna barǵan kezde Semeıden 200 shaqyrym jerde ornalasqan qus fabrıkalary jumyrtqany ondyǵyna 360-380 teńgeden satqan, al sońǵy satyp alýshyǵa ol 600 teńgeden ótkizilgeni anyqtaldy. Osyǵan baılanysty monopolııaǵa qarsy áreket etýdiń shuǵyl sharalaryn qabyldaý qajet. Sonymen qatar sońǵy kezderi baspasózde jekelegen taýar óndirýshilerdiń aldaǵy ýaqytta baǵanyń kóteriletini týraly málimdemeleri jarııalanýda. Bul rette tıisti túrde áreket etý qajet», — dedi Arman Shaqqalıev.
Aýyl sharýashylyǵy mınıstri Erbol Qarashókeev qyzanaq, qııar jáne jumyrtqa baǵasynyń ósý sebepterin aıtty. Taýar baǵasyn turaqtandyrý jónindegi yqtımal sharalar týraly baıandady. Ol keıbir taýar óndirýshiler memlekettik sýbsıdııalaý kólemin ulǵaıtýdy suraıtynyn atap ótti.
«Bıyl aýyl sharýashylyǵyn sýbsıdııalaý eki esege ulǵaıtyldy, biraq ony alatyndardyń azyq-túlik baǵasyn 20%-ǵa kótergenin kórip otyrmyz. Mundaı jaǵdaıǵa kóne almaspyz. Eger biz sýbsıdııa bersek, onda olar qarsy mindettemeler qabyldaýy kerek. Sýbsıdııalaý júıesi naqty jumys isteýi tıis», — dedi Álıhan Smaıylov.
Oblys ákimderiniń baıandamalaryn tyńdaǵannan keıin Á. Smaılov:
«Mınıstrlikter men ákimdikterde áleýmettik mańyzy bar azyq-túlik taýarlarynyń baǵasyn retteý úshin barlyq qajetti quraldar, qarjy quraldary, baqylaý fýnkııalary bar, biraq baǵanyń ósý qarqynyn toqtata almaı otyrmyz», — dedi.
Úkimet basshysy Almaty, Jambyl, Pavlodar, Atyraý, Qostanaı jáne Aqmola oblystary basshylyqtary isindegi shıkilikti synǵa aldy.
«Bul – ákimdikterdiń álsiz jumysynyń jáne Aýyl sharýashylyǵy, Saýda jáne ıntegraııa mınıstrlikteri tarapynan úılestirýdiń jetkiliksizdiginiń nátıjesi", - dedi Á. Smaılov.
Sonymen qatar Premer-Mınıstr Saýda jáne ıntegraııa mınıstrligine osy baǵytqa jetekshilik etetin laýazymdy tulǵalardy tártiptik jaýapkershilikke tartýǵa usynys engizýdi mindettedi. Saýda komıtetiniń tóraǵasyn qyzmetinen bosatýdy tapsyrdy. Jıynǵa qatysqandarǵa áleýmettik mańyzy ıe azyq-túlik ónimderi baǵasynyń negizsiz ósýine jol bermeýdi qadap aıtty.
"Adyrna" ulttyq portaly
