Ǧalamdyq klimattyŋ özgeruı jäne parniktık gazdar bölındılerın azaitu jönındegı halyqaralyq mındettemeler aiasynda kömırtektı egınşılık agrarlyq sektordy damytudyŋ strategiialyq baǧytyna ainaluda. Qazaqstannyŋ klimattyq saiasatynda 2030 jylǧa qarai bölındılerdı 325 mln tonna SO₂-ǧa deiın qysqartu közdelgen, būl mındettı oryndauda agrosektordyŋ belsendı at salysuy qatysuy qajet.
Auyl şaruaşylyǧy Qazaqstandaǧy parniktık gazdardyŋ ekınşı ırı közı bolyp tabylady — şamamen 33 mln tonna SO₂-ekvivalentı (jalpyūlttyq bölındılerdıŋ 9,3%-nan). Negızgı emissiialar – mal şaruaşylyǧynan bölınetın metan jäne tyŋaitqyştardan şyǧatyn azot totyǧy. Degenmen, dūrys basqaru jaǧdaiynda topyraq kömırtektı bölmei, kerısınşe jinaqtai alady. Būryn jer paidalanu jäne orman sektory kömırtek sıŋıruşı bolsa, bügınde jylyna 4,1 mln tonnadan astam SO₂ şyǧaratyn közge ainalǧan. Alaida sol jyly bölındılerdıŋ 11,9%-ǧa tömendeuı dūrys basqarudyŋ äleuetın körsetıp otyr.
Kömırtektı egınşılıktı tabysty damytu üşın Qazaqstanda agroekojüielerdegı kömırtektı basqarudyŋ jüielı modelı qajet. Memleket basşysynyŋ klimattyq tūraqtylyqty qamtamasyz etu jäne 2060 jylǧa qarai Qazaqstan Respublikasynyŋ kömırtektık beitaraptyqqa qol jetkızu jönındegı tapsyrmalaryna säikes, QR Prezidentınıŋ janyndaǧy Ūlttyq ǧylym akademiiasy Qazaqstanda alǧaş ret «Kaz Agro Carbon» atty kömırtektı agroklimattyq poligon qūruda. Joba boiynşa serıktester – Resei ǧylym akademiiasynyŋ Agrarlyq ekologiia federaldyq ǧylymi ortalyǧy. Alǧaşqy poligon Qazaqstannyŋ dalaly aimaǧynda, Aqmola oblysynda ornalasqan A.İ. Baraev atyndaǧy Astyq şaruaşylyǧy ǧylymi-öndırıstık ortalyǧy bazasynda ornalasatyn bolady.
Agroklimattyq poligon «Kaz Agro Carbon» kömırtektık balans pen parniktık gazdardy ölşeu, modeldeu, boljau jäne basqaru üşın tiımdı alaŋǧa ainalady. Ekı eldıŋ ǧalymdary Soltüstık Qazaqstannyŋ ärtürlı ekojüielerınde bölındılerdı azaitu jäne kömırqyşqyl gazyn sıŋırudı arttyruǧa baǧyttalǧan tehnologiialardy äzırlep, synaqtan ötkızetın bolady.
