Tengenomika telegramm-arnasynyŋ avtory Ǧalymjan Aitqazin Qazaqstandaǧy janar-jaǧarmaidyŋ baǧasyn körşı memlekettermen bır deŋgeige teŋestıru arqyly eldegı janarmai baǧasyna qysymdy tömendetuge bolady dep esepteidı. Būl turaly ekonomist özınıŋ telegram-arnasynda jazdy, dep habarlaidy "Adyrna" ūlttyq portaly.
Ǧalymjan Aitqazinnıŋ pıkırınşe, körşı eldermen aradaǧy otyn baǧasyndaǧy teŋsızdık – JJM tapşylyǧynyŋ negızgı sebepterınıŋ bırı.
- Būl mäselenı şeşu joldarynyŋ bırı Qazaqstanda janar-jaǧarmai baǧasyn körşı memlekettermen bır deŋgeige bırtındep köteru jäne teŋestıru bolary anyq. Sondai-aq Qazaqstannyŋ 2025 jyly EAEO bıryŋǧai energiia naryǧyna köşuı de qosymşa faktor boluy mümkın, – dep atap öttı ekonomist.Ol otyn baǧasyn kezeŋ-kezeŋımen köterudı aksizderdı ūlǧaitu arqyly jüzege asyrylatynyn atap öttı. Būl memleketke salyq tüsımderın ūlǧaityp, basqa salalarǧa jıberuge mümkındık beredı. Ötken jyldyŋ basynda Qazaqstan Ükımetı öndıruşılerdıŋ benzindı köterme satu aksizın tonnasyna 10,500 teŋgeden 24,435 teŋgege deiın köterdı. Sondai-aq ekonomist otyn baǧasyn jüieleu arqyly janar-jaǧarmaidyŋ körşı elderge jöneltuıne nükte qoiylatynyn, säikesınşe janarmai tapşylyǧyn tübeigeilı joiylatynyn senımdı türde jetkızdı.
- Osylaişa, ışkı naryqtaǧy proinfliasiialyq faktordyŋ bırtındep joiyluy orta merzımdı kezeŋde Qazaqstandaǧy janarmai baǧalaryna qatysty jaǧdaidy tūraqtandyruǧa mümkındık beredı, - dep tüiındedı ol.Aita keteiık, būdan būryn OilGazProject JŞS-nıŋ direktory, ekonomist Jaras Ahmetov Qazaqstanda benzin baǧasynyŋ ösetının, bıraq ükımettıŋ benzin baǧasyn 200-220 teŋge şamasynda ūstap tūruǧa mümkındıgı bar ekenın boljaǧan edı.
"Adyrna" ūlttyq portaly
