«Şaŋyraq» baǧdarlamasy boiynşa azamattardy qonystandyru jūmystary jalǧasuda

Şymkentte Täuelsızdıktıŋ 30 jylyna orai qūrylysy aiaqtalǧan tūrǧyn üiler paidalanuǧa berıle bastady. «Şaŋyraq» jeŋıldetılgen nesielık baǧdarlamasy boiynşa azamattardy qonystandyru jūmystary jürgızılude. Bügınde atalǧan baǧyt boiynşa Tūran şaǧynaudanynda ornalasqan alǧaşqy 5 tūrǧyn üidıŋ (№ 49A, 50A, 52A, 53A, 54A) infraqūrylymdyq kommunaldyq qyzmetterı ıske qosylyp, päter ielerıne päter kıltterı tabystalǧan bolatyn. Baǧdarlama boiynşa baspanaly bolǧandardyŋ qatarynda Jadyra Erjıgıtova da bar. Üş balanyŋ anasy tolyq emes otbasy retınde osydan 5 jyldai uaqyt būryn tūrǧyn üi kezegıne tırkelgen. Bügınde nesielık baspanaǧa qol jetkızgen jalǧyz basty ananyŋ quanyşynda şek joq. Sebebı būryn päter jaldap tūrsa, endı onyŋ öz şaŋyraǧy bar. – «Şaŋyraq baǧdarlamasyna qatysyp, baspanaly boldym. Būryn päter jaǧalap jüruşı edım, endı 3 bölmelı üilı bolyp jatyrmyn. Qazır memleket tarapynan baspanaǧa mūqtaj azamattarǧa barynşa qoldau körsetılude. Ai saiynǧy päteraqydan qūtyldym. Endı öz päterım üşın jūmys ısteimın, – deidı qala tūrǧyny Jadyra Erjıgıtova. Azamattardy qonystandyru jūmystaryn jürgızu barysynda Şymkent qalasynyŋ qūrylys basqarmasynyŋ tūrǧyn üi qūrylysy bölımınıŋ basşysy Şuhratjan Muhtarov jaŋa qonys ielerımen kezdesıp, tūrǧyn üiler boiynşa tiıstı jūmystar jürgızılıp jatqandyǧyn aitty. – «Qazırgı taŋda «Şaŋyraq» baǧdarlamasymen salynǧan 1728 päter boiynşa abattandyru, jylu syndy infraqūrylymdyq injenerlık kommunaldyq jüielerdı ıske qosu jūmystary jürgızılude. Atalǧan baǧyt boiynşa 2021 jyldyŋ qaraşa aiynyŋ basynda infraqūrylymdyq kommunaldyq qyzmetterı qosylǧan taǧy 7 tūrǧyn üige (6, 8 , 10 ,12, 14, 16, 18) azamattar qonystandyrylatyn bolady. Qalǧan tūrǧyn üiler boiynşa abattandyru jäne syrtqy injenerlık jüielerdıŋ qosylu jūmystary merdıger mekemeler tarapynan jürgızıluıne bailanysty azamattardyŋ päterlerıne qonystanu mümkınşılıgı ret retımen jüzege asyru josparlanǧan. Tūrǧyn üilerge qatysty oryn alǧan kemşılıkter nemese qandai da bır jaǧdailar tuyndaǧan jaǧdaida bız ol mäselelerdı merdıger mekemelermen bırge şeşuge ärdaiym daiynbyz», – dedı Şuhratjan Muhtarov. Aita ketu kerek, «Şaŋyraq 5-10-20» baǧyty boiynşa jyl soŋyna deiın 1728 azamat baspanaly bolady. Bastapqy jarnanyŋ bır bölıgın jabu üşın qaitarymsyz negızde är azamatqa 1 million teŋgege deiın berıletın tūrǧyn üi sertifikattaryna jalpy 500,0 mln teŋge qarastyrylǧan.