Elbasy Abý-Dabıdiń taq murageri, Birikken Arab Ámirlikteriniń Qarýly kúshteri Joǵarǵy Bas qolbasshysynyń orynbasary, sheıh Muhammed ben Zaıd Ál Nahaıanmen kezdesti dep habarlaıdy elbasy.kz.
Nursultan Nazarbaev pen Abý-Dabıdiń taq murageri eki el arasyndaǵy dástúrli dostyq qatynastardyń qarqyndy damyp kele jatqanyna joǵary baǵa berdi.
Osy oraıda Qazaqstan premer-mınıstri Asqar Mamınniń Abý-Dabı qalasyna barǵan saparynyń qorytyndysy atap ótildi. Bul saparda Qazaqstan ekonomıkasynyń basym salalarynda jalpy ınvestıııa kólemi 6 mıllıard dollardan asatyn jobalardy damytý úshin uzaq merzimdi strategııalyq áriptestik ornatý týraly úkimetaralyq qujatqa qol qoıylǵan bolatyn.
Elbasy Birikken Arab Ámirlikteriniń halqyn eldiń qurylǵanyna 50 jyl tolǵan mereıli toıymen shyn júrekten quttyqtap, az ǵana tarıhı kezeńde ár salada bıik jetistikterge qol jetkizgenin aıryqsha atap ótti.
Kezdesý barysynda Elbasy sheıh Muhammed ben Zaıd Ál Nahaıanǵa «Iadrolyq qarýsyz álem jáne jahandyq qaýipsizdik úshin Nazarbaev syılyǵyn» tapsyrdy. Ol Taq muragerine beıbitshilikti, óńirlik turaqtylyq pen ornyqty ekonomıkalyq damýdy qamtamasyz etýge qosqan úlesi úshin berildi.
Óz kezeginde Muhammed ben Zaıd Ál Nahaıan Elbasyǵa jáne Nazarbaev syılyǵyn berý jónindegi komıtet múshelerine óziniń qyzmetin joǵary baǵalaǵany úshin rızashylyǵyn bildirdi. Sondaı-aq, áńgime barysynda taraptar halyqaralyq jáne óńirlik kún tártibindegi ózekti máselelerdi talqylady.
”Adyrna” ulttyq portaly
