Şymşaharda qalalyq memlekettık arhivtıŋ ūiymdastyruymen täuelsızdıktıŋ 30 jyldyǧyna orai «Täuelsızdık jyldaryndaǧy Qūrmettı azamattar» körmesı öttı. Būl joly qalanyŋ qūrmettı azamattary alleiasyna türlı sporttyq dodalarda elımızdıŋ daŋqyn şyǧarǧan azamattar jinaldy.
Körmede egemendık alǧan jyldarda 139 azamattyŋ memlekettık arhivterde saqtauda tūrǧan qūjattary negızınde jinaqtalǧan mälımetter jasaqtaldy. Eŋbegı sıŋgen tūlǧalardyŋ jeke kıtaptary, jobalary men fotolary, qūjattamalary jinalǧan köpşılıkke ūsynyldy.
Is-şara barysynda qazaq sportynyŋ saŋlaqtary, el maqtanyştarymen kezdesu ūiymdastyryldy. Jiynnyŋ qūrmettı qonaǧy bolǧan olimpiadalyq därejedegı töreşı Baqytjan Jaqsyqūlov pen qazaq boksynyŋ darabozy Nūrjan Smanov ömırde öz tüigenderımen oi bölıstı. Bolaşaqtyŋ jarqyn boluy üşın jastarǧa baǧyt-baǧdar berdı. Jiynda el maqtanyştary jastarǧa öz täjıribelerımen bölısıp, ömırlık keŋester berıp, sportpen şūǧyldanuǧa ündedı.
Jiynda söz alǧan qalalyq memlekettık arhivtıŋ direktory Aipar Amangeldieva atalǧan jobanyŋ maŋyzyna toqtaldy. Bügınde qalalyq arhiv mekemesı «Arhiv-2025» keşendık jospary boiynşa täuelsızdık jyldary qalaǧa eleulı ülesın qosqan azamattar turaly mälımetter jinaǧyn jaryqqa şyǧarudy josparlap otyr. Ūsynylǧan mälımetter Şymkent qalasy memlekettık arhivı men qalalyq mäslihaty arhivı jäne Türkıstan oblysynyŋ memlekettık arhivınde tūrǧan qūjattar negızınde jinaqtalǧan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz