Aqtöbe oblysyna 28 qazanda, jūmys saparymen QR Bılım jäne ǧylym ministrı Ashat Aimaǧambetov keldı.
Jūmys sapary kezınde ministr öŋırdegı «Auyl – el besıgı» arnaiy jobasynyŋ jüzege asyryluymen tanysady.
Ministr men oblys äkımı Oŋdasyn Orazalinnıŋ jūmys sapary 2020 jyly aşylǧan Aqbobek halyqaralyq jeke mektebınen bastaldy. Qazırgı taŋda mūnda 500-dei bala bılıp alyp, alpysqa juyq mūǧalım eŋbek etedı, olardyŋ qatarynda "Bolaşaq" baǧdarlamasynyŋ tülekterı de bar.
Ūstazdar qauymymen tıldesken Ashat Aimaǧambetov mekteptıŋ kıtaphana qoryn älem ädebietınıŋ qazaq tılındegı tuyndylarymen tolyqtyrudy, mūǧalımderdıŋ bılıktılıgın ünemı köterıp tūruǧa köŋıl böludı ūsyndy.
Qyzmettık sapar № 51 mektepte jalǧasyp, ministr oqu prosesımen tanysty, qalanyŋ mūǧalımderımen kezdesıp, olarmen özektı sūraqtardy talqylady.
Kezdesu barysynda bılım salasyndaǧy jetıstıkter men innovasiialarǧa, mūǧalımderdıŋ tūlǧalyq bılıktılıgın köteruge, mektepterdegı qauıpsızdıktı qamtamasyz etuge jäne t.b. qatysty taqyryptar qozǧaldy.
Būdan özge, arnaiy orta bılımdı damytu turaly äŋgıme qozǧaldy.
"Biyl "Jas maman" jobasy aiasynda öŋırdegı jetı kolledj modernizasiialanyp jatyr. Sondai-aq, keler jyldan-aq kolledjderde neǧūrlym sūranysqa ie mamandyqtar boiynşa jaŋa mamandyqtardy aşyp, "qajet emes" mamandyqtardy jabu üşın eŋbek naryǧy jaqsylap saraptaluda. Qazır mynadai jaǧdai: ırı öndırıs käsıporyndarda eŋbekaqysy men äleumettık paketı jaqsy 500-ge juyq bos jūmys orny bar. Jūmysqa ornalasqysy keletınder bar, bıraq tiıstı bılımı men bılıktılıgı joq. Osynyŋ ornyn toltyruymyz kerek",- dedı oblys äkımı Oŋdasyn Orazalin.Ministr Aqtöbe oblysy bılım salasyn qarjylandyruda, memlekettık-jeke serıktestık qaǧidasyndaǧy mektepter saluda, ūstazdar men oquşylardy qoldauda jäne t.b. köşbasyndaǧy öŋırlerdıŋ qatarynda ekenın atap öttı.
«Adyrna» ūlttyq portaly
