Bılım jäne ǧylym ministrı Ashat Aimaǧambetov jūmys saparymen Aqtöbe oblysyna keldı. Sapar barysynda Ashat Aimaǧambetov densaulyq saqtau, bılım beru, sport jäne infraqūrylymdy damytu salalaryndaǧy "Auyl – el besıgı" baǧdarlamasy aiasyndaǧy jobalardyŋ jüzege asyrylu barysymen tanysty dep habarlaidy "Adyrna" ūlttyq portaly.
Sarjansai auylynda merdıgerlık ūiymdar jürgızıp jatqan auyl ışılık köşe joldaryn jöndeu jūmystary qaraldy. Būl jobalar da "Auyl – el besıgı" baǧdarlamasynyŋ bır bölıgı bolyp tabylady. Auylda atqarylǧan jūmystarmen tanysyp şyǧyp, Märtök auylyna bardy. Ministr dene şynyqtyru-sauyqtyru keşenınde boldy.
Ministr Qarǧaly audanynda da boldy. Petropavlovka auylynda "Auyl – el besıgı" baǧdarlamasy aiasynda merdıger ūiym jürgızıp jatqan köşelerdı jaryqpen qamtamasyz etu jūmystaryn kördı. Sondai-aq ministr Petropavlovka auylynda jergılıktı mekteptıŋ materialdyq-tehnikalyq bazasymen tanysyp, mektep ūjymymen kezdesu ötkızdı.
"Auyl – el besıgı" baǧdarlamasy aiasynda salynǧan 160 oryndyq keşen futzal, voleibol, basketbol jäne basqa da oiyndar boiynşa jattyǧular men jarystar ötkızuge arnalǧan. Ashat Aimaǧambetov Märtök audanyndaǧy Qazan auylynda bolyp, jergılıktı medisinalyq punktıŋ jūmysymen tanysty. "Auyl – el besıgı" baǧdarlamasy şeŋberınde paidalanuǧa berılgen medisinalyq nysan bır auysymda 40 adam üşın medisinalyq qyzmet körsetuge şaqtalǧan.Ministr sondai-aq oblystyŋ bırneşe auyldyq mektebıne baryp, onda bılım beru nysandarynyŋ jai-küiın egjei-tegjeilı zerdeledı. Ashat Aimaǧambetov bolǧan bılım beru ūiymdarynyŋ arasynda Märtök audanynyŋ Hlebodarovka auyldyq mektebı boldy. Qazır mektepte kürdelı jöndeu jūmystary jürgızılıp jatyr.
Oqu ornynda edenderdı jöndeu jäne auystyru, jylytu jäne jaryqtandyru jüielerın auystyru, ışkı jäne syrtqy ärleu, kärız jüiesın jöndeu jäne abattandyru boiynşa jūmystar jürgızılude. Bügıngı taŋda mekteptegı 95 mūǧalım 574 oquşyny bılım närımen susyndatady.
Ministr Qarǧaly audanynda da boldy. Petropavlovka auylynda "Auyl – el besıgı" baǧdarlamasy aiasynda merdıger ūiym jürgızıp jatqan köşelerdı jaryqpen qamtamasyz etu jūmystaryn kördı. Sondai-aq ministr Petropavlovka auylynda jergılıktı mekteptıŋ materialdyq-tehnikalyq bazasymen tanysyp, mektep ūjymymen kezdesu ötkızdı.
Ministrdıŋ jūmys sapary Hromtau audanynda jalǧasty. Aqjar auylynda ol "Jūmyspen qamtu jol kartasy – 2020" jäne "Auyl – el besıgı" baǧdarlamalary şeŋberınde jöndelgen 11 kentışılık köşenıŋ avtomobil joldaryn qarap şyqty.Sonymen qatar ministr "Auyl – el besıgı" baǧdarlamasy aiasynda paidalanuǧa berılgen dene şynyqtyru-sauyqtyru keşenınıŋ jūmysymen tanysty. Ashat Aimaǧambetov Hromtau tau-ken tehnikalyq joǧary kolledjınıŋ materialdyq-tehnikalyq bazasymen tanysu üşın Hromtau qalasyna bardy. Ministr Aqtöbe oblysyna jūmys saparyn Hromtau audanynyŋ äkımdıgınde qorytyndylady.
Aqtöbe oblysynda soŋǧy 3 jylda "Auyl – el besıgı" baǧdarlamasy aiasynda 42 auylda jalpy somasy 11,8 mlrd teŋgenı qūraityn 108 joba ıske asyryldy. Olardy jüzege asyru barysynda 2 072 jūmys orny, onyŋ ışınde 278 tūraqty jūmys orny qūryldy. Biyl jalpy somasy 6,1 mlrd teŋgenı qūraityn 69 joba ıske asyrylyp jatyr.Būl jobalar "Auyl – el besıgı" baǧdarlamasy şeŋberınde basymdyq berılgen 33 auyldaǧy (26 tırek, 6 sputniktık jäne 1 strategiialyq auyl) 30 myŋ tūrǧynnyŋ ömır sapasyn jaqsartuǧa mümkındık beredı.
"Adyrna" ūlttyq portaly.
