Aqtöbe oblysy Mūǧaljar audanyndaǧy ekı auylǧa gaz keldı

 Aqtöbe oblysynyŋ äkımı Oŋdasyn Orazalin Mūǧaljar audanynyŋ äleumettık-ekonomikalyq damuymen, memlekettık baǧdarlamalardyŋ jüzege asyryluymen tanysyp, ekı auyldaǧy gazdy ıske qosu räsımıne qatysty dep habarlaidy "Adyrna" ūlttyq portaly. Jūmys sapary Aqkemer auylynyŋ kürdelı jöndelgen kıre berıs jolyn qaraudan bastaldy. Jūmysty "Aqtöbe adal qūrylys" JŞS merdıger mekemesı küzdıŋ basynda aiaqtaǧan. Barlyǧy 1,1 şaqyrym avtokölık jolynyŋ tösemı jaŋartyldy. Joba "Nur Otan" partiiasynyŋ sailaualdy baǧdarlamasyn oryndau boiynşa jol kartasy aiasynda jüzege asyrylǧan.

Elek auylynda öŋır basşysy gaz qūbyryn ıske qosu räsımıne qatysty. Memleket auyl tūrǧyndaryn gazben qamtuǧa 229 mln teŋgeden astam qarajat böldı. 4,7 şaqyrym gaz qūbyry töseldı. Būl da "Nur Otan" partiiasynyŋ sailaualdy baǧdarlamasy boiynşa jüzege asyrylǧan jobalardyŋ bırı. Elek auylynda barlyǧy 106 üi men üş äleumettık nysan bar. Būdan bölek, kezekte tūrǧandarǧa jeke tūrǧyn üi saluǧa beru üşın 208 jer telımı daiyndalǧan.

"Men osy auylda tudym jäne ömır boiy osynda tūryp kelem. Gazdy 54 jyl küttım. Būl jaŋalyq bız üşın ülken quanyş boldy. Üi tırlıgı kışkene azaidy. Būl sondai-aq, bıraz ünem, men qysqa kömır men aǧaş satyp alu üşın jylda 200 myŋ teŋgedei jūmsadym", - deidı auyl tūrǧyny Nūrjamal Ybyraşeva. Oblys äkımı: "Gaz – bız eŋ bırınşı kelgen kezde Elek tūrǧyndarynyŋ aitqan negızgı ötınışı bolatyn. Biyl osy jobany jüzege asyruǧa mümkındık tudy. 208 jer telımı jaŋa üiler saluǧa daiyndalyp jatyr. Eldı mekenderıŋızdıŋ keleşegı zor. Gaz bar, elektr bar, ülken magistraldı joldyŋ boiynda ornalasqan. Auyldyŋ ärı qarai damuy sızderge de - tūrǧyndarǧa da, iaǧni sızderdıŋ eŋbekqorlyqtaryŋyz ben bırlıkterŋızge bailanysty", - dep atap öttı. Sonymen bırge öŋır basşysy äleumettık nysandardy, eŋ aldymen mektepterdı gaz qūbyryna tez qosudy tapsyrdy. Qyzmettık sapar Qandyaǧaşta jalǧasyp, Oŋdasyn Orazalin byltyr "Jūmyspen qamtudyŋ jol kartasy" memlekettık baǧdarlamasy arqyly kürdelı jöndelgen ortalyq stadionnyŋ qyzmetımen tanysty.

Stadionda 500 adamǧa arnalǧan mınber men 25 metrlık myltyq atatyn tir bar. Mūnda futboldan, şahmat pen pauerliftingten, dziudo, sambo jäne qazaqşa küresten oqu- jattyǧular ötedı. Osy jyly Qandyaǧaşta biznestıŋ äleumettık jauapkerşılıgı aiasynda tört köpqabatty üidıŋ qasbetı jaŋartyldy. Jūmystyŋ demeuşısı - "Kentavr" JŞS.

"Kentavr" JŞS-na barlyǧy 30 mln teŋge bölındı. Qarajattyŋ bır bölıgı qasbetterdı syrlaumen qatar köktemde erıgen sudyŋ tasu qaupı tönıp tūrǧan köşelerge aryq saluǧa jūmsaldy. Būdan özge, osy jyly qalada jalpy qūny 37 mln teŋge bolatyn jaiaujol salynyp, bırneşe aula jaryqtandyryldy. "Nūrly köş" degen ülken şaǧyn audan aşqaly jatyrmyz. Jyl soŋyna deiın infraqūrylym jürgızıp, keiın 135 jer telımın berudı josparlap otyrmyz", - dedı audan ortalyǧyn damytu boiynşa josparlary jaiynda baiandaǧan Qandyaǧaş qalasynyŋ äkımı Talǧat Ötemūratov. Oblys äkımı sondai-aq, dene şynyqtyru - oiyn-sauyq keşenınıŋ qūrylys barysymen tanysty. Mūnda keluşılerge oiyn, küres jäne jattyǧu zaldarynan bölek, ülken bassein bolady. Nysandy keler jyly nauryz aiynda paidalanuǧa beru josparlanyp otyr. Oŋdasyn Orazalin bırneşe öndırıs nysanyna bardy. Olardyŋ qatarynda "Neohim" JŞS-nyŋ gaz-beton qūrylysyna arnalǧan būiymdar şyǧaratyn zauyty bar. Biyl zauyt 2 mlrd teŋgege qaita qalpyna keltırıldı. Mūnda jylyna 110 m3-ge deiın qabyrǧa bloktary men keuek gaz-betondary şyǧarady. Negızgı problema – bılıktı ärı tar beiındı mamandar jetıspeidı. Būl sūraq qazırgı taŋda jergılıktı kolledjben bırge şeşılude.

"Qarapaiym zattar ekonomikasy" baǧdarlamasy boiynşa körsetılgen qarjylai qoldau "KazTermoGrupp" JŞS-nyŋ bazalt mineraldy maqtasyn şyǧaratyn zauytqa jan bıtıruge mümkındık berdı. Biyl mamyr aiynda jasalǧan qalpyna keltıru jūmystarynyŋ qūny 1,9 mlrd. teŋge. Nätijesınde bes jyl tūryp qalǧan öndırıs ıske qosylyp, 230 adam jūmyspen qamtyldy. Käsıporynnyŋ jyldyq öndırıstık quattylyǧy – 30 myŋ tonna bazalt mineraldy maqtasy. Önım ışkı naryqqa jetkızıledı, sonymen qatar, Resei men Özbekstanǧa eksporttalady.

Sol künı Mūǧaljar audanynda taǧy bır auylǧa gaz kırdı. Jūryn auylyndaǧy jobany jüzege asyruǧa 108 mln teŋge bölıngen. 1330 adam tūratyn 292 tütın, sonymen qatar, alty äleumettık nysan gazben qamtylmaq. "Jūryn auylynda byltyr üş köşenıŋ jolyna asfalt töselgen edı. Būl baǧyttaǧy jūmystar jalǧasatyn bolady. Balalar las jerdı baspasyn dep mektepke jaiaujol salamyz. Audan äkımı jergılıktı mektep ǧimaratyn qalpyna keltıru qajettıgın jetkızdı. Būl joba qoldau tabady. Öitkenı, auyl ösıp keledı, būryn köşıp ketkender qaityp kelıp, üi salyp jatyr. Sondyqtan bala da köp bolady", - dedı auyl tūrǧyndarymen tıldesken oblys äkımı. Öŋır basşysy Embı qalasynyŋ ärı qaraiǧy damuynyŋ jospary turaly baiandamany tyŋdady. Qazırgı taŋda Embıde 320 orynǧa arnalǧan jaŋa mekteptıŋ qūrylysy jürıp jatyr, jyl soŋyna deiın qalanyŋ barlyq köşesı jaryqtandyrylady, osy maqsatta 32 köşede jaryqtandyru jelılerın salu jūmystary bastaldy. Sondai-aq, joldardy salu jäne jöndeu jūmystary jalǧasady. Oblys äkımı Embı qalasyndaǧy 45 päterlık bes qabatty üidıŋ berıluıne qatysty. Sosyn köp jyldar boiy qarausyz qalǧan 90 päterlı bes qabatty üide jürıp jatqan jöndeu jūmystarynyŋ barysyn qarap şyqty. Päterler kürdelı jöndeuden keiın jergılıktı atqaruşy organda kezekte tūrǧandarǧa berıletın bolady.  

"Adyrna" ūlttyq portaly.