Soŋǧy aptada Stopfake.kz portalynyŋ qaralymy 66 myŋnan asty. Elordada ötıp jatqan qazaqtıldı kontent jasauşylardyŋ dästürlı forumynda «infodemiia» mäselesın qozǧaǧan QR Aqparat jäne qoǧamdyq damu ministrı Aida Balaeva osyndai mälımet aitty, habarlaidy «Adyrna» tılşısı QazAqparatqa sılteme jasap.
«Bügıngı ǧalamdyq sifrlandyru zamanynda internet älemdık dästürlı medianyŋ özgeruıne zor yqpal etıp jatqany belgılı. Būl äsırese, byltyr oryn alǧan pandemiia kezınde aiqyn bılındı. Türlı äleumettık jelıler, «WhatsApp», «Telegram-arnalar», «YouTube» pen «Tik-Tok» qosymşalardan taraǧan jalǧan aqparattardan qoǧamda «infodemiia» mäselesı özektı taqyrypqa ainaldy. Sondyqtan bız der kezınde şeşım qabyldap, Stopfake.kz portalyn ıske qostyq. Qazaq jäne orys tılderınde habar taratatyn sait bügınge deiın qoǧamdy äbıgerge salǧan 2 myŋǧa juyq feik aqparatty joqqa şyǧardy. Soŋǧy aptadaǧy saittyŋ qaralymy 66 myŋnan asady. Būl oraida, bügıngı jurnalister «faktcheking» talabyn ünemı este ūstauy qajet», -dedı vedomstvo basşysy.Onyŋ paiymynşa, internet saittardyŋ mındetı tek aqparat beru emes. İnternet – jalpy qoǧamdyq pıkır qalyptastyratyn yqpaldy qūral.
«Būqaralyq aqparat qūraldaryndaǧy önım sapasyna qatysty kökeitestı mäseleler bırınşı kezekte tılşıler qauymynyŋ – jurnalistıŋ bılım-bılıgıne bailanysty ekenı tüsınıktı. Būl bügınde elımızdegı qazaq jäne orystıldı mediaǧa ortaq talap. Būl oraida, bızdıŋ ministrlık tılşılerdıŋ bılımın köterıp, äsırese salalyq jurnalistikanyŋ damuyna arnalǧan keşendı jūmystardy qolǧa aldy. Bügınge deiın medisina, dın, ekologiia salalary boiynşa 4 myŋnan astam jurnalist arnaiy oqytu kurstarynan öttı. Būl baǧyttaǧy jūmystar aldaǧy uaqytta jüielı jalǧasatyn bolady», – dedı ministr.
«Adyrna» ūlttyq portaly
