Gollandııa soty Ulttyq qordyń buǵattalǵan 22 mlrd dollar aktıvin bosatty, dep habarlaıdy Qamshy.kz aqparat agenttigi QR Ádilet mınıstrliginiń baspasóz qyzmetine silteme jasap. Sot Ulttyq bank pen QR Ádilet mınıstrliginiń pozıııasymen kelisip, Ulttyq qor aktıvterine qol suǵylmaıdy degen qaýly shyǵardy.
«2018 jyly 23 qańtarda Amsterdam qalasynyń aımaqtyq soty Bank of NewYork Mellon-da kastodıaldy saqtaýda jatqan Ulttyq qor aktıvterin bosatý týraly QR Ulttyq bankiniń ótinishin qanaǵattandyrdy», - delingen Ádilet mınıstrliginiń habarlamasynda.
Sot Ulttyq bank pen osy proeske úshinshi tarap retinde qatysqan QR Ádilet mınıstrliniń pozıııasymen kelisip, Ulttyq qor aktıvterine qol suǵylmaıdy dep qaýly shyǵardy, delingen baspasóz habarlamasynda.
Nıdarlandynyń sot oryndary buǵan deıin de Anatolý Statıdiń aktıvterdi buǵattaý týraly ótinishin oryndamaǵan edi. Statı bul derekterdi jasyryp qalyp, sol arqyly sotty shatastyrdy. Sot Statıdi sot shyǵyndaryn Qazaqstan tarapyna óndirip berýge mindettedi.
Eske sala keteıik, 2017 jyly jeltoqsan aıynda amerıkalyq The Bank of New York Mellon kompanııasy Moldova kásipkeri Anatolý Statıdiń aryzy boıynsha Ulttyq qordyń 22 mlrd dollar aktıvin buǵattaǵan bolatyn.
