Densaulyq saqtau jüiesınıŋ sapasy men tiımdılıgın arttyru – memlekettıŋ pandemiia jaǧdaiyndaǧy eŋ maŋyzdy mındetı. Sondyqtan bilık «Denı sau ūlt» atty ūlttyq joba qabyldap, aldaǧy jyldary medisina salasyna mol qarjy qūiudy josparlap otyr. Būl qarjy negızınen medisinalyq infraqūrylymdy damytuǧa, bılıktı maman daiarlauǧa jäne halyqty därı-därmekpen qamtamasyz etuge jūmsalady.
Būl turaly QR Prezidentı Qasym-Jomart Toqaevtyŋ «Halyq bırlıgı jäne jüielı reformalar – el örkendeuınıŋ berık negızı» atty Joldauyn tüsındıru maqsatynda ötken jiynda Ortalyq Aziia innovasiialyq universitetınıŋ pedagogika, psihologiia kafedrasynyŋ aǧa oqytuşysy Raihan Beisekova aitty.
—Memleket azamattardyŋ qauıpsız, erkın, alaŋsyz ömır süruıne, sapaly bılım alyp, densaulyǧyn kütuıne, özınıŋ ışkı äleuetı men mümkındıkterın jaryqqa şyǧaryp, armandary men josparlaryn jüzege asyruyna qolaily jaǧdai jasauy tiıs. Qasym-Jomart Kemelūly biylǧy Joldauynda osy jolda atqaryluy tiıs ısterdı naqty körsetıp berdı. Prezident būl mındetterdı oryndau üşın är salaǧa qatysty ūlttyq jobalar bekıtıletının aitty. Iаǧni, Joldaudyŋ özegın adam men ūlt, halyq densaulyǧy men ūlttyq müdde qūraidy desek qatelespeimız, – deidı Raihan Tüzelbaiqyzy.
Aita keteiık, jiynǧa Şymkent qalasy Eŋbekşı audanynda ornalasqan qalalyq №5 emhananyŋ qyzmetkerlerı qatysty. Basqosu kezınde därıgerler Prezident Joldauyna qatysty oilaryn ortaǧa salyp, otandyq densaulyq saqtau jüiesın damytuǧa bailanysty ūsynystaryn jetkızdı.
Jalpy, Şymkent qalasynda QR Prezidentı Qasym-Jomart Toqaevtyŋ «Halyq bırlıgı jäne jüielı reformalar – el örkendeuınıŋ berık negızı» atty Joldauy keŋınen, jüielı türde nasihattaluda. Asa maŋyzdy saiasi qūjatty talqylauǧa arnalǧan osyndai basqosularǧa memlekettık qyzmetşıler, qūqyq qorǧau organdarynyŋ, bılım beru men densaulyq saqtau salasynyŋ qyzmetkerlerı, ardagerler, ziialy qauym ökılderı, eŋbek ūjymdary men jastar qatysuda.
«Adyrna» ūlttyq portaly
