Bügın Aqparattyq-kommunikasiialyq ortalyǧynda «Äleumettık medisinalyq saqtandyru qory» KEAQ Şymkent qalalyq filialynyŋ direktory Säbit Qūralbektıŋ qatysuymen brifing öttı.
Baspasöz mäjılısınde «Äleumettık medisinalyq saqtandyru jüiesı» aiasynda Şymkent qalasy boiynşa filialynyŋ direktory S.Qūralbek mındettı medisinalyq saqtandyru jüiesınıŋ halyqqa tiımdı tūstaryna toqtaldy.
– Medisinalyq saqtandyru jüiesı engızılgennen keiın tūrǧyndardyŋ densaulyǧyn saqtauǧa bölıngen qarajat mölşerı ūlǧaidy. Iаǧni, būl jüie engızılgen uaqytqa deiın azamattar tek qana tegın medisinalyq kömektıŋ kepıldengen kölemı şeŋberınde medisinalyq kömektı alatyn. Al bügınde jüienıŋ qatysuşylary qosymşa qarajat jūmsamai, mındettı äleumettık saqtandyru jüiesınde qosymşa medisinalyq kömek alu mümkındıgıne ie. Barlyq jüienıŋ qatysuşysy tabys mölşerıne qaramastan, osy jüiede körsetıletın barlyq medisinalyq kömekke, onyŋ ışınde joǧary tehnologiialyq zertteuler, qymbat medisinalyq qyzmetter jäne otalarǧa bırdei qol jetkıze alady, – dedı Säbit Raiymbekūly.
Spikerdıŋ sözınşe, qalada halyqqa medisinalyq kömek körsetuge ümıtker medisinalyq mekemeler sany ūlǧaiǧan. Osy jyly 120 medisinalyq mekememen kelısımşart jasalǧan. Onyŋ 87-sı jeke menşık iesındegı ūiymdardy (72,5%) qūraidy. Medisinalyq mekeme sanynyŋ artuy olardyŋ arasynda şynaiy bäsekelestıktı tuǧyzady. Al atalǧan jüiede är tūrǧyn emdeu mekemesın taŋdauǧa qūqyly. Būl rette medisinalyq mekemeler tūrǧyndardy özderınıŋ mekemesıne tartu üşın jaǧdai jasaidy. Bırınşı kezekte medisinalyq kömek sapasyn arttyrady.
Brifingte belgılı bolǧandai tūrǧyndar arasynda «Qoldau 24/7» atty mobildık qosymşasy keŋınen tarauda. Būl qosymşa arqyly är tūrǧyn saqtandyru boiynşa tolyq aqparat aluǧa, densaulyq saqtau salasyndaǧy özgerıster men ūsynystar qaldyruǧa, medisinalyq mekeme nemese medisina qyzmetkerlerı tarapynan bolǧan kemşılıkter turaly aryz-şaǧym tüsıruge bolady.
Aita keteiık, Mındettı äleumettık medisinalyq saqtandyru jüiesınıŋ basty talaby – ol är tūrǧynnyŋ osy jüienıŋ qatysuşysy boluy. Iаǧni osy jüiede «saqtandyrylǧan» märtebesıne ie bolyp, qajet bolǧan jaǧdaida der kezınde medisinalyq kömekke qol jetkızuı. Būl baǧytta tūrǧyndardy osy jüiege barynşa tartu jūmystary jalǧasuda. Şymkent qalasy boiynşa bügınde saqtandyrylǧandar sany 882 807 (80,8%) qūrasa, saqtandyrylmaǧandar sany 210 377 tūrǧyndy (18,2%) qūrap otyr.
Şymkent qalasynyŋ Aqparattyq-kommunikasiialyq ortalyǧy
Foto: Ernar Mamyr
